ബെംഗളൂരു: കർണാടക നിയമസഭ തെരഞ്ഞെ‌ടുപ്പിൽ വിജയിച്ചതിന് പിന്നാലെ പാകിസ്താൻ സിന്ദാബാദ് വിളിച്ച് കോൺഗ്രസ് പ്രവർത്തകരുടെ ആഘോഷം. കർണാടകയിലെ ബെലഗാവിയിലാണ് സംഭവം പോലീസ് ഉദ്യോഗസ്ഥരുടെ കൺമുന്നിൽ വച്ചാണ് കൊച്ചു കുട്ടികളടക്കം ഇന്ത്യാ വിരുദ്ധ മുദ്രാവാക്യങ്ങൾ മുഴക്കിയത്.
കോൺഗ്രസിന്റെ പാർട്ടി പതാക വീശിക്കൊണ്ടായിരുന്നു ആഘോഷ പ്രകടനത്തിനിടെയാണ് ഒരു കൂട്ടം പ്രവർത്തകർ പാകിസ്ഥാൻ സിന്ദാബാദ് മുദ്രാവാക്യം മുഴക്കിയത്. ബെലഗാവി നോർത്തിൽ നിന്നുള്ള കോൺഗ്രസിന്റെ ആസിഫ് രാജു സെയ്ത് വിജയിച്ചതിന് പിന്നാലെയാണ് ഇന്ത്യാ വിരുദ്ധ മുദ്രാവാക്യങ്ങൾ മുഴങ്ങിയത്. പോലീസ് ഉദ്യോഗസ്ഥർ ഇവർക്കെതിരെ കയർക്കുന്നത് പുറത്ത് വന്ന വീഡിയോയിൽ കാണാം
എസ്ഡിപിഐ-പിഎഫ്ഐ പ്രവർത്തകരുടെയും തീവ്ര ഇസ്റ്റാമിസ്റ്റുകളുടെയുമടക്കം വോട്ട് നേടിയാണ് കോൺഗ്രസ് ജയിച്ചത് എന്ന ആരോപണം ഉയർന്നിരിക്കെയാണ് സംഭവം .നിരവധി പേരാണ് കോൺഗ്രസ് പ്രവർത്തകരുടെ വീഡിയോ സമൂഹമാദ്ധ്യമങ്ങളിൽ പങ്കുവെച്ചുകൊണ്ട് പ്രതിഷേധം രേഖപ്പെടുത്തുന്നത്.
