Sunday, November 22, 2026

കാമുകനൊപ്പം പാര്‍ക്കിലിരുന്ന പെണ്‍കുട്ടിയെ കൂട്ടബലാത്സംഗം ചെയ്തു; നാലുപേര്‍ അറസ്റ്റില്‍

കോയമ്പത്തൂര്‍: കാമുകനൊപ്പം പാര്‍ക്കിലിരുന്ന പ്ലസ് വണ്‍ വിദ്യാര്‍ഥിനിയെ കൂട്ടബലാത്സംഗത്തിനിരയാക്കിയ കേസില്‍ നാലുേപര്‍ അറസ്റ്റില്‍. കോയമ്പത്തൂരിലെ ഈശ്വര്യ നഗര്‍ പാര്‍ക്കില്‍ വച്ചാണ് പെണ്‍കുട്ടിക്കും കാമുകനും നേരെ അക്രമം ഉണ്ടായത്. പതിനേഴാം പിറന്നാള്‍ ആഘോഷിക്കുന്നതിനായി വൈകുന്നേരം കാമുകനുമൊത്ത് പാര്‍ക്കിലെത്തിയതായിരുന്നു പെണ്‍കുട്ടി.

രാത്രി എട്ടുമണിയോടെ മടങ്ങാന്‍ തുടങ്ങുമ്പോഴേക്കും ഒരുസംഘം ചെറുപ്പക്കാര്‍ വന്ന് ഇവരെ ശല്യപ്പെടുത്തി. തുടര്‍ന്ന് പെണ്‍കുട്ടിയുടെ കാമുകനെ വലിച്ചിഴച്ച് മര്‍ദ്ദിക്കുകയും നഗ്‌നനാക്കി വിഡിയോ ചിത്രീകരിക്കുകയും ചെയ്തു. പെണ്‍കുട്ടിയെയും കൂട്ടബലാത്സംഗം ചെയ്ത് ദൃശ്യങ്ങള്‍ മൊബൈലില്‍ പകര്‍ത്തിയെന്ന് പൊലീസ് പറയുന്നു.

ദൃശ്യങ്ങള്‍ പകര്‍ത്തിയെന്ന് ഉറപ്പാക്കിയ ശേഷം ഇരുവരെയും സംഘം വിട്ടയച്ചു. വീട്ടിലെത്തിയ പെണ്‍കുട്ടി അമ്മയോട് സംഭവം പറഞ്ഞതോടെയാണ് വിവരം പൊലീസില്‍ അറിയിച്ചത്. ഇവര്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തില്‍ രാഹുല്‍(21), പ്രകാശ്(22)കാര്‍ത്തികേയന്‍ (28), നാരായണമൂര്‍ത്തി(30) എന്നിവരെ അറസ്റ്റ് ചെയ്തു. ഇവരെ കോയമ്പത്തൂര്‍ സെന്‍ട്രല്‍ ജയിലിലേക്ക് മാറ്റി.രണ്ട് പേരെ കൂടി കണ്ടെത്താനുണ്ടെന്ന് അന്വേഷണ ഉദ്യോഗസ്ഥര്‍ അറിയിച്ചു. ഇവര്‍ക്കെതിരെ പോക്‌സോ ചുമത്തിയിട്ടുണ്ട്

Related Articles

Latest Articles