ഭൂമി നക്ഷത്ര സ്ഫോടനത്തിന്റെ അവശിഷ്ടങ്ങൾക്കിടയിൽ!!

പ്രപഞ്ചത്തിന്റെ ആഴങ്ങളിൽ കോടിക്കണക്കിന് വർഷങ്ങൾക്ക് മുൻപ് നടന്ന മഹാവിസ്ഫോടനങ്ങളുടെ ശേഷിപ്പുകൾ ഇന്നും നമ്മുടെ ഭൂമിയെ തഴുകി കടന്നുപോകുന്നു എന്ന ആവേശകരമായ കണ്ടെത്തലിലാണ് ശാസ്ത്രലോകം. ലക്ഷക്കണക്കിന് വർഷങ്ങൾക്ക് മുൻപ് എവിടെയോ പൊട്ടിത്തെറിച്ച ഒരു നക്ഷത്രത്തിന്റെ അവശിഷ്ടങ്ങൾക്കിടയിലൂടെയാണ് നിലവിൽ ഭൂമിയും സൗരയൂഥവും കടന്നുപോകുന്നത് എന്നതിന് വ്യക്തമായ തെളിവുകൾ ശാസ്ത്രജ്ഞർക്ക് ലഭിച്ചുകഴിഞ്ഞു. അന്റാർട്ടിക്കയിലെ പതിനായിരക്കണക്കിന് വർഷം പഴക്കമുള്ള മഞ്ഞുപാളികളിൽ നടത്തിയ സൂക്ഷ്‌മമായ പഠനങ്ങളാണ് ഇത്തരമൊരു നിഗമനത്തിലേക്ക് ഗവേഷകരെ എത്തിച്ചത്. ഭൂമി ഇപ്പോൾ ഒരു നക്ഷത്രധൂളിയുടെ മേഘപടലത്തിലൂടെയാണ് സഞ്ചരിക്കുന്നതെന്ന് ഉറപ്പിക്കാൻ മഞ്ഞിലെ അയൺ-60 എന്ന അപൂർവ്വ റേഡിയോ ആക്ടീവ് ഐസോടോപ്പിന്റെ സാന്നിധ്യം സഹായിച്ചു. ഹെംഹോൾട്ട്സ് സെന്റർ ഡ്രെസ്ഡൻ റോസെൻഡോർഫിലെ അന്താരാഷ്ട്ര ഗവേഷക സംഘമാണ് ഈ പഠനത്തിന് നേതൃത്വം നൽകിയത്. #astronomy #spaceexploration #supernova #stardust #antarctica #sciencefacts #iron60 #cosmicrays #universe #solar system #scientificdiscovery #spacephysics