ദില്ലി: മധ്യേഷ്യൻ രാജ്യങ്ങളുടെ സഖ്യമായ ഷാങ്ഹായ് കോർപറേഷൻ ഓർഗനൈസേഷന്റെ യോഗം ഇന്ന് നടക്കും. മോസ്കോയിൽ ഇന്ന് നടക്കുന്ന യോഗത്തിൽ പ്രതിരോധമന്ത്രി രാജ്നാഥ് സിംഗ് പങ്കെടുക്കും.
കളക്ടീവ് സെക്യൂരിറ്റി ട്രീറ്റി ഓർഗനൈസേഷൻ യോഗത്തിലും രണ്ടാം ലോകമഹായുദ്ധത്തിലെ വിജയത്തിന്റെ 75-ാം വാർഷിക അനുസ്മരണ പരിപാടിയിലുമാണ് പ്രതിരോധമന്ത്രി പങ്കെടുക്കുന്നത്. എസിഒ അംഗങ്ങളായ ഇന്ത്യയും ചൈനയും തമ്മിൽ അതിർത്തി സംഘർഷം രൂക്ഷമായിരിക്കെയാണ് യോഗം ചേരുന്നത്. അതേസമയം ചൈനയുടെയും പാകിസ്ഥാന്റെയും പ്രതിരോധമന്ത്രിമാരും യോഗത്തിൽ പങ്കെടുക്കും.
