തൃശ്ശൂർ ജില്ലയിലെ പ്രസിദ്ധമായ തീർത്ഥാടന കേന്ദ്രം; ഋഷ്യ ശൃംഗൻ പ്രതിഷ്ഠ നടത്തിയ ദേവിയൊപ്പമില്ലാത്ത ശിവക്ഷേത്രം! അറിയാം ശൃംഗപുരം മഹാദേവ ക്ഷേത്രത്തിന്റെ പ്രത്യേകതകൾ

ഐതിഹ്യങ്ങളും വിശ്വാസങ്ങളും കൊണ്ട് നിരവധി ഭക്തരെ ആകർഷിക്കുന്ന ക്ഷേത്രങ്ങളിൽ ഒന്നാണ് തൃശ്ശൂർ ജില്ലയിൽ സ്ഥിതി ചെയ്യുന്ന ശൃംഗപുരം മഹാദേവ ക്ഷേത്രം. പരശുരാമന്‍ പ്രതിഷ്ഠ നടത്തിയ ഈ ക്ഷേത്രം തൃശ്ശൂർ ജില്ലയിലെ പ്രസിദ്ധമായ തീർത്ഥാടന കേന്ദ്രം കൂടിയാണ്.

രാമായണത്തിലെ ദശരഥ മഹാരാജാവ് അദ്ദേഹത്തിന് പുത്രന്മാർ ജനിക്കുവാനായി മഹർഷി ഋഷ്യ ശൃംഗന്‍റെ നേതൃത്വത്തിൽ പുത്രകാമേഷ്ടിയാഗം നടത്തിയിരുന്നുവത്രെ. ഇതു കഴിഞ്ഞാണ് അദ്ദേഹത്തിന് രാമനും ലക്ഷ്മണനും ഉൾപ്പെടെയുള്ള പുത്രന്മാർ ജനിക്കുന്നതത്രെ. പിന്നീട് ഇതേ ഋഷ്യ ശൃംഗനാണ് ഈ ക്ഷേത്രം നിർമ്മിച്ചതെന്നും പ്രതിഷ്ഠ നടത്തിയതെന്നും വിശ്വസിക്കപ്പെടുന്നു. പിന്നീട്, കാലം പോകെ, അദ്ദേഹം സ്ഥാപിച്ച ക്ഷേത്രത്തിന്റെ സ്ഥലമായ ഋഷ്യശൃംഗപുരം , ശൃംഗപുരമായി മാറിയതെന്നാണ് പറയപ്പെടുന്നത്.

ശിവക്ഷേത്രങ്ങളിൽ എല്ലായിടത്തും ശിവനൊപ്പം പാർവ്വതി ദേവിയുടെ പ്രതിഷ്ഠയും കാണാം. രണ്ടുപേരും ഒരുമിച്ചില്ലാത്ത ക്ഷേത്രങ്ങൾ വളരെ അപൂർവ്വമാണ്. അത്തരത്തിലൊന്നാണ് ശൃംഗപുരം ക്ഷേത്രം. ഇവിടെ ശിവന്‍റെ മാത്രം പ്രതിഷ്ഠയാണ് ഉള്ളത്. ശിവക്ഷേത്രമായതിനാൽ തന്നെ ശിവനുമായി ബന്ധപ്പെട്ട ദിവസങ്ങളെല്ലാം പ്രത്യേക പ്രാധാന്യത്തോടെ ഇവിടെ ആഘോഷിക്കുന്നു. നവരാത്രി,മണ്ഡലകാലം എന്നിവയെല്ലാം ക്ഷേത്രത്തിലെ വിപുലമായ ആഘോഷങ്ങളാണ്. കുംഭമാസത്തിലെ അമാവാസിയോട് അടുപ്പിച്ചാണ് എട്ടുദിസം നീണ്ടുനിൽക്കുന്ന ക്ഷേത്രത്തിലെ ഉത്സവം.

ക്ഷേത്രത്തെ സംബന്ധിച്ച മറ്റൊരു വിശ്വാസം, ഇവിടെ സിവസന്നിധിയിൽ ഏഴ് സ്വയംവര പൂജ നടത്തിയാൽ വിവാഹം തടസ്സമില്ലാതെ പെട്ടന്നു നടക്കുമെന്നാണ്. എല്ലാ ദിവസവും രാവിലെ 5 മണിക്ക് തുറക്കുന്ന ക്ഷേത്രം 9.45ന് അടയ്ക്കുകയും ശേഷം വൈകുന്നേരം 5 മണിക്ക് നടതുറന്ന് 8 മണിക്ക് അടയ്ക്കുകയും ചെയ്യും.