കണ്ണൂരിൽ പോലീസ് ഡംബിങ് യാർഡിൽ വൻ തീപിടുത്തം;തീയണച്ചത് നാല് ഫയർ ഫോഴ്സ് യൂണിറ്റുകൾ ചേർന്ന്

കണ്ണൂർ : പോലീസ് ഡംബിങ് യാർഡിൽ വൻ തീപിടുത്തം. കുറുമാത്തൂർ വെള്ളാരം പാറയിലെ പോലീസ്
ഡംബിങ് യാർഡിലാണ് തീപിടിത്തമുണ്ടായത്.വിവിധ കേസുകളിൽ ഉൾപ്പെട്ട് പിടികൂടിയ വാഹനങ്ങൾ തീപിടിത്തത്തിൽ കത്തിനശിച്ചു. തീ പടർന്ന് പിടിച്ചതോടെ തളിപ്പറമ്പ് ശ്രീകണ്ഠാപുരം റോഡിൽ ഗതാഗത നിയന്ത്രണം ഏർപ്പെടുത്തി. നാല് ഫയർ ഫോഴ്സ് യൂണിറ്റുകൾ സ്ഥലത്തെത്തിയാണ് തീ നിയന്ത്രണ വിധേയമാക്കിയത്. എങ്ങനെയാണ് തീ പടർന്നതെന്നതിൽ വ്യക്തതയില്ല.

വാഹനങ്ങൾ പ്രദേശത്ത് നിന്ന് മാറ്റണമെന്നും അപകട സാധ്യതയുണ്ടെന്നും പോലീസിന് നേരത്തെ മുന്നറിയിപ്പ് നൽകിയിരുന്നതായി ഫയർ ഓഫീസർ പറഞ്ഞു. ഫയർ ഉദ്യോഗസ്ഥരുടെ മുന്നറിയിപ്പ് അവഗണിച്ചതാണ് ഇത്രയും വലിയ അപകടമുണ്ടാകാൻ കാരണമായതെന്ന് നാട്ടുകാരും കുറ്റപ്പെടുത്തി.