ചണ്ഡീഗഡ്: പഞ്ചാബ് ജലന്ധറില് മലയാളി വിദ്യാര്ത്ഥി ആത്മഹത്യ ചെയ്തു. ജലന്ധറിലെ ലവ്ലി പ്രൊഫഷണല് സര്വ്വകലാശാലയിലെ ഒന്നാം വര്ഷ വിദ്യാര്ത്ഥിയാണ് ആത്മഹത്യ ചെയ്തത്. ഡിസൈനിംഗ് കോഴ്സ് പഠിക്കുന്ന 21 കാരനാണ് മരിച്ചത്.
സംഭവത്തിൽ വിദ്യാര്ത്ഥിക്ക് നീതിവേണമെന്ന് ആവശ്യപ്പെട്ട് യൂണിവേഴ്സിറ്റിയിൽ വിദ്യാർത്ഥികൾ പ്രതിഷേധം നടക്കുകയാണ്. എന്നാല് വ്യക്തിപരമായ കാരണങ്ങളാലാണ് അത്മഹത്യയെന്നാണ് സര്വ്വകലാശാലയുടെ വിശദീകരണം. വിദ്യാർത്ഥിയുടെ ആത്മഹത്യാ കുറിപ്പ് കണ്ടെത്തിയിട്ടുണ്ട്. അന്വേഷണത്തോട് പൂർണമായും സഹകരിക്കുമെന്നും സർവകലാശാല അറിയിച്ചു.
