ഭക്ഷണം വാഗ്ദാനം ചെയ്ത് ഏഴുവയസ്സുകാരിയെ പീഡിപ്പിച്ചു;പ്രതി അറസ്റ്റിൽ

ഛത്തീസ്‌ഗഡ്‌:പ്രഭാതഭക്ഷണം നൽകാമെന്ന് വാഗ്ദാനം ചെയ്ത് പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച പ്രതി അറസ്റ്റിൽ.ഛത്തീസ്ഗഡിലെ ബിലാസ്പൂരിലാണ് സംഭവം.ഏഴുവയസ്സുകാരിയെ ഫാമിലേക്ക് കൊണ്ടുപോയ ശേഷം പ്രതി ലൈംഗികമായി പീഡിപ്പിക്കുകയായിരുന്നുവെന്ന് പോലീസ് പറഞ്ഞു.

ചകർഭാത പോലീസ് സ്റ്റേഷൻ പരിധിയിലാണ് സംഭവം. മദ്യപിച്ചെത്തിയ ഒരാൾ പ്രഭാതഭക്ഷണം നൽകാമെന്ന് വാഗ്ദാനം ചെയ്ത് പെൺകുട്ടിയെ ബൈക്കിൽ കയറ്റിക്കൊണ്ടുപോയി. തുടർന്ന് അടുത്തുള്ള ഫാമിൽ എത്തിച്ച ശേഷം ലൈംഗികമായി പീഡിപ്പിച്ചു. സംഭവശേഷം പെൺകുട്ടിയെ ഉപേക്ഷിച്ച് പ്രതി രക്ഷപ്പെട്ടു.

വിശദമായ അന്വേഷണത്തിനൊടുവിലാണ് പോലീസ് പ്രതിയെ പിടികൂടിയത്. പ്രദേശത്തെ സിസിടിവി കേന്ദ്രീകരിച്ച് നടത്തിയ അന്വേഷണത്തിലൂടെ പ്രതിയെ തിരിച്ചറിഞ്ഞു. ആദ്യം ഇയാളുടെ ബൈക്ക് കണ്ടെത്തി, പിന്നീട് പ്രതിയേയും അറസ്റ്റ് ചെയ്തു.കേസിൽ കൂടുതൽ അന്വേഷണം നടന്നുവരികയാണ്.