വീട്ടുമുറ്റത്തു കളിച്ചുകൊണ്ടിരിക്കെ മൂന്നുവയസുകാരനെ കാണാതായി;പോലീസെത്തി കണ്ടെത്തിയത് വീടിന് പുറകിലായുള്ള റബ്ബർ തോട്ടത്തിൽ നിന്നും

പത്തനംതിട്ട:വയ്യാറ്റുപുഴയിൽ വീട്ടുമുറ്റത്തു കളിച്ചുകൊണ്ടിരിക്കെ മൂന്നുവയസുകാരനെ കാണാതായി.വൈകീട്ട് മൂന്ന് മണിയോടെ കാണാതായ കുഞ്ഞിനെ പോലീസ് നടത്തിയ തിരച്ചിലിൽ സമീപത്ത് നിന്നും കണ്ടെത്തി.

മീൻകുഴി സ്വദേശി റിജുവിന്റെ മകൻ നെഹ്മിയനെയാണ് കാണാതായത്.വീട്ടമുറ്റത്ത് കളിച്ചുകൊണ്ടിരിക്കെയാണ് കുഞ്ഞിനെ കാണാതായത്.പരിഭ്രാന്തിയിലായ കുടുംബം, പോലീസിനെ വിവരമറിയിക്കുകയും ഉടൻ സ്ഥലത്തെത്തിയ പോലീസും നാട്ടുകാരും നടത്തിയ തിരച്ചിലിൽ കുഞ്ഞിനെ കണ്ടെത്തുകയുമായിരുന്നു. വീടിന് പുറകിലായുള്ള റബ്ബർ തോട്ടത്തിൽ പേടിച്ച് ഒളിച്ചിരിക്കുകയായിരുന്നു കുട്ടി.

കാണാതായ കുഞ്ഞ് പോലീസ് എത്തിയപ്പോഴേക്കും വീടിന് സമീപമെത്തിയത് ദുരൂഹത ഉണർത്തുന്നതിനാൽ അന്വേഷണം പുരോഗമിക്കുകയാണ് എന്ന് പോലീസ്.