നിയന്ത്രണംവിട്ട ബൈക്ക് മതിലിലിടിച്ചു; വ്യാപാരിയ്ക്ക് ദാരുണാന്ത്യം

ആറാട്ടുപുഴ: നിയന്ത്രണം വിട്ട ബൈക്ക് മതിലിലിടിച്ച്‌ വ്യാപാരിയ്ക്ക് ദാരുണാന്ത്യം. വ്യാഴാഴ്ച ഉച്ചക്ക് പന്ത്രണ്ടരയോടെ കൊപ്പാറേത്ത്-കൂലുത്തേല്‍ ജങ്ഷന്‍ റോഡിലാണ് അപകടം നടന്നത്. കൊല്ലം വടക്കേവിള മുള്ളുവിള കണ്ണാടത്തുവീട്ടില്‍ സജിലാലാണ് മരിച്ചത്.

അപകടത്തില്‍ സജിലാലിന് തലക്കു സാരമായി പരിക്കേറ്റിരുന്നു. ഉടന്‍തന്നെ കായംകുളം താലൂക്ക് ആശുപത്രിയില്‍ എത്തിയ്ച്ചെങ്കിലും മരിക്കുകയായിരുന്നു. മൃതദേഹം താലൂക്ക് ആശുപത്രി മോര്‍ച്ചറിയിലാണ്.