ആലപ്പുഴ: നെടുമ്പാശ്ശേരി വിമാനത്താവളത്തിലേക്ക് യാത്ര ചെയ്തിരുന്നവർ സഞ്ചരിച്ച കാർ അപകടത്തിൽപ്പെട്ടു, നാലുപേർ മരിച്ചു . ദേശീയപാതയിൽ അമ്പലപ്പുഴ പായല്കുളങ്ങരയിലാണ് അപകടം. കാർ ലോറിയുമായി കൂട്ടിയിടിക്കുകയായിരുന്നു. ബുധനാഴ്ച പുലര്ച്ചെയായിരുന്നു അപകടം. അഞ്ച് പേരാണ് കാറിലുണ്ടായിരുന്നതെന്നാണ് ലഭിക്കുന്ന സൂചന. നാല് പേർ സംഭവസ്ഥലത്ത് വെച്ച് തന്നെ മരിച്ചു. അപകടത്തിൽ കാർ പൂർണ്ണമായും തകർന്നിട്ടുണ്ട്.
അപകടത്തില് പെട്ട വാഹനങ്ങളില് ഏതെങ്കിലും ഒന്നിന്റെ ഡ്രൈവര് ഉറങ്ങിപ്പോയതാകാം കാരണമെന്നാണ് നാട്ടുകാർ പറയുന്നത്. തിരുവനന്തപുരം നെടുമങ്ങാട് സ്വദേശികളായ ബന്ധുക്കളാണ് അപകടത്തിൽപ്പെട്ടത്. വിദേശത്തേക്ക് പോകാനിരുന്നയാളെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.
