തിരുവനന്തപുരം: മോന്സന് മാവുങ്കല് പ്രതിയായ പുരാവസ്തു തട്ടിപ്പ് കേസുമായി ബന്ധപ്പെട്ട് ആരോപണം നേരിടുന്ന അനിത പുല്ലയില് ലോക കേരള സഭ നടക്കുമ്പോള് നിയമസഭാ മന്ദിരത്തില് പ്രവേശിച്ച സംഭവത്തില് നടപടി, നാല് ഏജൻസി ജീവനക്കാരിലൊതുക്കി സർക്കാർ. ചീഫ് മാര്ഷലിന്റെ അന്വേഷണ റിപ്പോര്ട്ടിന്റെ അടിസ്ഥാനത്തിലാണ് നടപടിയെന്ന് സ്പീക്കര് എം ബി രാജേഷ് വിശദീകരിച്ചു. അനിത പുല്ലയില് ലോകകേരളസഭ നടന്ന രണ്ടുദിവസവും നിയമസഭാമന്ദിരത്തില് കയറിയിരുന്നെങ്കിലും പ്രതിനിധികള് സന്നിഹിതരായ ശങ്കരനാരായണന് തമ്പി ഹാളില് പ്രവേശിച്ചിരുന്നില്ലെന്ന് ചീഫ് മാര്ഷല് സ്പീക്കര് എം.ബി. രാജേഷിന് റിപ്പോര്ട്ട് നല്കിയിരുന്നു. സഭാ ടി.വി.ക്ക് ഒ.ടി.ടി. സഹായം നല്കുന്ന കമ്പനിജീവനക്കാരുടെ സഹായത്തോടെയാണ് അനിത നിയമസഭാമന്ദിരത്തില് എത്തിയതെന്നും റിപ്പോര്ട്ടിലുണ്ട്. ഇവര് സഭാമന്തിരത്തില് പ്രവേശിച്ചതിന് ഉത്തരവാദികളായ ഫസീല, വിധുരാജ്, പ്രവീണ്, വിഷ്ണു എന്നിവര്ക്കെതിരേയാണ് നടപടി സ്വീകരിച്ചത്. ഈ നാല് ജീവനക്കാരെ നിയസഭയുടെ സഭാ ടിവി ചുമതലകളില്നിന്ന് ഒഴിക്കിവാക്കിയിരിക്കുന്നത്.
എന്നാൽ സംസ്ഥാന സർക്കാരിന്റെ ആഭിമുഖ്യത്തിൽ നടത്തപ്പെട്ട ലോക കേരള സഭയിൽ ആദ്യാവസാനം അനിത പങ്കെടുത്തതായി റിപ്പോർട്ടുകളുണ്ട്. മാധ്യമങ്ങൾ ഇക്കാര്യം റിപ്പോർട്ട് ചെയ്തതോടെയാണ് സംഘാടകർ അനിതക്കെതിരെ നടപടിയെടുത്തത്. കോടികളുടെ പുരാവസ്തു തട്ടിപ്പ് നടത്തി പിടിയിലായ മോൻസൻ മാവുങ്കലിന് ഉന്നതരുമായുള്ള ബന്ധം നേരത്തെ വിവാദമായിരുന്നു. ഈ സാഹചര്യത്തിൽ അതേ കേസുമായി ബന്ധപ്പെട്ട് ആരോപണ വിധേയായ വ്യക്തി സർക്കാർ സംഘാടകരാകുന്ന ലോക കേരള സഭ പോലുള്ള പരിപാടികളിൽ പ്രതിനിധികളോടൊപ്പം അനുവാദമില്ലാതെ പങ്കെടുത്തത് ഏതു സാഹചര്യത്തിലാണെന്ന ചോദ്യം ബാക്കിയാകുകയാണ്.
ലോക്സഭാ തെരഞ്ഞെടുപ്പിൻ്റെ ഫണ്ട് സ്വന്തം പാര്ട്ടിക്കാര് മുക്കിയെന്ന ആരോപണവുമായി കാസർഗോഡ് മണ്ഡലത്തിലെ സിറ്റിംഗ് എംപിയും സ്ഥാനാർത്ഥിയുമായ രാജ്മോഹൻ ഉണ്ണിത്താൻ. മണ്ഡലത്തിൽ…
ധർമ്മവും നീതിയും ന്യായവും സദ്ഗുണവുമായ എല്ലാത്തിനു വേണ്ടി നില കൊള്ളുന്നുവെന്നും ഇതിഹാസത്തിലെ വ്യത്യസ്ത സാഹചര്യങ്ങളിൽ ധർമ്മം അതിൻ്റെ സാന്നിധ്യം അറിയിച്ചിരുന്നുവെന്നും…
തിരുവനന്തപുരം : മോശം കാലാവസ്ഥ കണക്കിലെടുത്ത് കേരളാ തീരത്ത് മത്സ്യബന്ധനത്തിന് വിലക്ക്. ഇനിയൊരു അറിയിപ്പുണ്ടാകും വരെ കേരളാ തീരത്ത് മത്സ്യബന്ധനം…
ദില്ലി : ബിജെപി വീണ്ടും അധികാരത്തിൽ എത്തിയാൽ നരേന്ദ്ര മോദി പ്രധാനമന്ത്രിയാകുമോ എന്ന ചോദ്യമാണ് രാഷ്ട്രീയ ലോകം ചർച്ച ചെയ്യുന്നത്.…
ഇസ്ലാമിസ്റ്റും വർഗീയ പരാമർശങ്ങളിലൂടെ കുപ്രസിദ്ധനുമായ സാക്കിർ നായിക്കിനെ ഇന്ത്യയുടെ ചക്രവർത്തിയായി പ്രഖ്യാപിക്കണമെന്ന ആവശ്യവുമായി പാകിസ്ഥാൻ മൗലവി. സമൂഹ മാദ്ധ്യമങ്ങളിൽ പ്രചരിച്ച…