actor dhanush
ചെന്നൈ: മാതാപിതാക്കളാണെന്ന അവകാശവാദവുമായെത്തിയ മധുര സ്വദേശികളായ ദമ്പതിമാരോട് നഷ്ടപരിഹാരം ആവശ്യപ്പെട്ട് നടന് ധനുഷ്. പിതൃത്വ അവകാശക്കേസില് മധുരയിലെ ദമ്പതികള്ക്കെതിരെ നടന് ധനുഷും പിതാവ് കസ്തൂരി രാജയും വക്കീൽ നോട്ടീസും അയച്ചിരിക്കുകയാണ്.
ധനുഷ് തങ്ങളുടെ മകനാണെന്ന അവകാശവാദം ഉന്നയിക്കുന്ന മേലൂര് സ്വദേശികളായ കതിരേശന്, മീനാക്ഷി ദമ്പതികള്ക്കെതിരെയാണ് താരം അഭിഭാഷകനായ എസ് ഹാജ മൊഹിദ്ദീന് മുഖേന നോട്ടീസ് അയച്ചത്.
നടനെതിരെ തെറ്റായതും അംഗീകരിക്കാനാവാത്തതും അപകീര്ത്തികരവുമായ ആരോപണങ്ങള് ഉന്നയിക്കുന്നത് അവസാനിപ്പിക്കണം. അല്ലാത്തപക്ഷം വിചാരണ നേരിടേണ്ടി വരും. തങ്ങളുടെ ആരോപണങ്ങള് തെറ്റാണെന്ന് കാട്ടി മാധ്യമപ്രസ്താവന പുറത്തിറക്കണമെന്നും മാപ്പ് ചോദിക്കണമെന്നും നോട്ടീസില് പറയുന്നു. ആവശ്യങ്ങള് അംഗീകരിച്ചില്ലെങ്കില് പത്തുകോടി രൂപയുടെ മാനനഷ്ടകേസ് ഫയല് ചെയ്യുമെന്നും നോട്ടീസില് മുന്നറിയിപ്പ് നല്കി.
വര്ഷങ്ങളായി കോടതിയുടെ പരിഗണനയിലുള്ള കേസില് കഴിഞ്ഞ മേയ് മൂന്നിന് മദ്രാസ് ഹൈക്കോടതി ധനുഷിന് സമന്സ് അയച്ചിരുന്നു. കേസില് ധനുഷ് മുന്പ് സമര്പ്പിച്ച രേഖകള് വ്യാജമാണെന്ന് ആരോപിക്കുന്ന അപ്പീല് ഹര്ജിയിലാണ് നടന് മദ്രാസ് ഹൈക്കോടതിയുടെ മധുര ബെഞ്ച് സമന്സ് അയച്ചത്.
മധുരയിലെ സര്ക്കാര് ആശുപത്രിയില് ജനിച്ച തങ്ങളുടെ മൂന്ന് മക്കളില് ഒരാളാണ് ധനുഷ് എന്ന് അവകാശപ്പെട്ടായിരുന്നു റിട്ടയേര്ഡ് സര്ക്കാര് ബസ് കണ്ടക്ടറായ കതിരേശനും ഭാര്യ മീനാക്ഷിയും മദ്രാസ് ഹൈക്കോടതിയുടെ മധുര ബെഞ്ചിനെ സമീപിച്ചത്. തങ്ങളുടെ ദൈനംദിന ചെലവുകള്ക്ക് പണം നല്കാന് താരം വിസമ്മതിക്കുകയാണെന്ന് അവര് അവകാശപ്പെട്ടു.
നിരവധി തവണ ശ്രമിച്ചിട്ടും ധനുഷ് തങ്ങളെ കാണാന് തയ്യാറായില്ലെന്നും പ്രതിമാസ മെഡിക്കല് ബില്ലായ 65,000 രൂപ ധനുഷില് നിന്ന് ലഭ്യമാക്കാന് കോടതിയുടെ ഇടപെടല് വേണമെന്നുമാണ് അവര് കോടതിയില് നല്കിയ അപേക്ഷയില് പറഞ്ഞിരിക്കുന്നത്. ഹൈക്കോടതിയുടെ മധുര ബെഞ്ച് സമന്സ് അയച്ചതിനെത്തുടര്ന്നാണ് നടപടികള് സ്റ്റേ ചെയ്യണമെന്നാവശ്യപ്പെട്ട് ധനുഷ് മദ്രാസ് ഹൈക്കോടതിയില് ഹര്ജി നല്കിയത്. ധനുഷിന്റെ ഐഡന്റിറ്റി മാര്ക്ക് മെഡിക്കല് വെരിഫിക്കേഷനും ജനന സര്ട്ടിഫിക്കറ്റും ഹാജരാക്കിയതിനെ തുടര്ന്ന് ഏപ്രില് 22 ന് കേസ് കോടതി റദ്ദാക്കിയിരുന്നു.
തിരുവനന്തപുരം : എന്ഫോഴ്സ്മെന്റ് ഡയറക്ടറേറ്റിന്റെ (ED) കത്തുമായി ബന്ധപ്പെട്ട പ്രാഥമിക അന്വേഷണ വിഷയത്തില് മുന് മുഖ്യമന്ത്രി പിണറായി വിജയന്മേല് ഉടന്…
കൊച്ചി : കേരള ട്രാവല് മാര്ട്ട് ഉദ്ഘാടന വേദിയില് വന് പ്രഖ്യാപനങ്ങളുമായി മുഖ്യമന്ത്രി വി.ഡി. സതീശന്. തിരുവനന്തപുരം മൃഗശാലയുടെ സ്ഥലത്ത്…
തിരുവനന്തപുരം : വഴിത്തര്ക്കത്തെ തുടര്ന്നുണ്ടായ സംഘര്ഷത്തില് സഹോദരനെ കൊലപ്പെടുത്തിയ കേസില് സഹോദരിക്കും മക്കള്ക്കും ജീവപര്യന്തം കഠിനതടവും പിഴയും ശിക്ഷ വിധിച്ചു.…
ന്യൂഡല്ഹി : ഏഷ്യന് ഗെയിംസ് ഷൂട്ടിങ് സ്കീറ്റ് മിക്സഡ് ടീം ഇനത്തില് വെങ്കല മെഡല് സ്വന്തമാക്കിയ പരിനാസ് ധാലിവാള്, അനന്ത്ജീത്…
മലപ്പുറത്തെ മഴക്കെടുതിയും പ്രളയവും വിലയിരുത്താന് മുഖ്യമന്ത്രി നടത്തിയ യാത്രയ്ക്കായി ഉപയോഗിച്ച ചാര്ട്ടേഡ് വിമാനത്തിന് ജി.എസ്.ടി ഉള്പ്പെടെ 19.88 ലക്ഷം രൂപ…
നേപ്പാളിലും ടിബറ്റിലും അടുത്തിടെ ഉണ്ടായ കനത്ത പ്രളയവും ഉരുള്പൊട്ടലുകളും വലിയൊരു പാരിസ്ഥിതിക ദുരന്തത്തിലേക്കാണ് വിരല് ചൂണ്ടുന്നത്. നൂറുകണക്കിന് ജീവനുകള് നഷ്ടപ്പെടുകയും…