കൊച്ചി: നടിയെ ആക്രമിച്ച കേസിൽ റിപ്പോര്ട്ടര് ചാനലിനെതിരായുള്ള കോടതിയലക്ഷ്യ നടപടികള് തുടരാന് ഹൈക്കോടതി. വിചാരണ കോടതിയുടെ വിധിക്കെതിരെ എം വി നികേഷ് കുമാർ സമർപ്പിച്ച ഹർജിയും ഹൈക്കോടതി തള്ളി. ഈ കേസുമായി ബന്ധപ്പെട്ട് റിപ്പോര്ട്ടര് ചാനല് നല്കിയ എല്ലാ വാര്ത്തകളും ഹാജരാക്കണമെന്നായിരുന്നു വിചാരണ കോടതിയുടെ ഉത്തരവ്. ഇതിനെതിരായിരുന്നു നികേഷ് കുമാറും ചാനലും ഹൈക്കോടതിയിൽ ഹർജി സമർപ്പിച്ചത്.
നടിയെ ആക്രമിച്ച കേസിലെ എട്ടാം പ്രതിയും ചലച്ചിത്ര നടനുമായ ദിലീപ് സമര്പ്പിച്ച കോടതിയലക്ഷ്യ ഹര്ജിയിലായിരുന്നു റിപ്പോര്ട്ടര് ചാനല് ചെയ്ത വാര്ത്തകള് ഹാജരാക്കാന് വിചാരണ കോടതി ഉത്തരവിട്ടത്. ജൂഡിഷ്യല് സംവിധാനത്തെയാകെ അവഹേളിക്കുന്ന തരത്തിലുള്ള വാര്ത്തകളും ചര്ച്ചകളുമാണ് നടിയെ ആക്രമിച്ച കേസില് ചാനല് നടത്തിയതെന്നായിരുന്നു ദിലീപിന്റെ പരാതി. കേസിൽ രഹസ്യ വിചാരണ നടക്കവെ ഇതേ കുറിച്ച് ചര്ച്ചകളും അഭിമുഖങ്ങളും നടത്തിയെന്ന ഹര്ജിയിലാണ് സംപ്രേക്ഷണം ചെയ്ത പരിപാടികള് പെന്ഡ്രൈവില് ഹാജരാക്കാന് വിചാരണ കോടതി ഉത്തരവിട്ടത്. വാർത്തകൾ പരിശോധിക്കുന്നതിന് വേണ്ടിയിട്ടായിരുന്നു ഇവ ഹാജരാക്കാൻ കോടതി ഉത്തരവിട്ടത്. ഇതിനെതിരെയായിരുന്നു നികേഷും ചാനലും ഹൈക്കോടതിയെ സമീപിച്ചത്.
2021 ഡിസംബര് 25 മുതല് 2022 ഒക്ടോബര് വരെ പ്രക്ഷേപണം ചെയ്ത വാര്ത്തകളും അഭിമുഖങ്ങളും ഹാജരാക്കാനാണ് ചാനലിന് കോടതി നിര്ദേശം നല്കിയത്. വിചാരണ കോടതിയുടെ ഉത്തരവില് ഇടപെടാന് വിസമ്മതിച്ച ഹൈക്കോടതി, കേസില് രഹസ്യ വിചാരണ നടക്കവേ വിചാരണ നടപടികളെ കുറിച്ചു വാര്ത്തകള് സംപ്രേഷണം ചെയ്തതിനു ചാനലിനെതിരെ പോലീസ് അഞ്ചു കേസുകള് രജിസ്റ്റര് ചെയ്തിട്ടുണ്ടെന്ന് ചൂണ്ടിക്കാട്ടി.
ബഹിരാകാശത്ത് പുതിയൊരു യുദ്ധമുഖം തുറക്കപ്പെടുന്നുവോ എന്ന ആശങ്ക ലോകമെമ്പാടും പടരുകയാണ്. റഷ്യ-യുക്രെയ്ൻ യുദ്ധം നാലാം വർഷത്തിലേക്ക് കടക്കുമ്പോൾ, യുക്രെയ്ന്റെ പ്രധാന…
സൃഗാല തന്ത്രം പയറ്റി ചോര കുടിക്കാൻ കാത്തിരിക്കുന്ന ഒരു വിദ്യാഭ്യാസ മന്ത്രി നാടിൻ്റെ ശാപം. സ്വന്തം മൂക്കിന് താഴെയുള്ള സ്കൂളിൽ…
ആറ്റുകാൽ ചിന്മയ സ്കൂളിൽ കൃസ്തുമസ് ആഘോഷം തടഞ്ഞുവെന്ന ആരോപണത്തിൽ സത്യാവസ്ഥ പുറത്ത്. ഹിന്ദു ഐക്യവേദി അദ്ധ്യക്ഷ ശശി കല ടീച്ചറാണ്…
ബംഗ്ലാദേശിൽ ഹിന്ദു യുവാവിനെ ഇസ്ലാമിസ്റ്റുകൾ തല്ലിച്ചതച്ച് കെട്ടിത്തൂക്കിയ ശേഷം ചുട്ടുകൊന്ന സംഭവത്തിൽ ദില്ലിയിലെ ബംഗ്ലാദേശ് ഹൈക്കമ്മീഷന് മുന്നിൽ വൻ പ്രതിഷേധം.…
ചരിത്ര വിജയം നേടിയ തിരുവനന്തപുരം കോർപറേഷനിൽ മേയർ സ്ഥാനത്തേക്ക് ബിജെപി ആരെ നിയോഗിക്കും ? ആർ ശ്രീലേഖ മേയർ ആയേക്കുമെന്ന്…
ധാക്ക : ബംഗ്ലാദേശിലെ മൈമെൻസിങ് ജില്ലയിൽ ഇസ്ലാമിസ്റ്റുകൾ കൊന്ന് കത്തിച്ച ഹിന്ദു യുവാവ് ദീപു ചന്ദ്ര ദാസ് മതനിന്ദ നടത്തിയതിന്…