Afghan Youtuber Killed
കാബൂൾ: താലിബാൻ അധികാരം പിടിച്ചെടുത്തതോടെ അഫ്ഗാനിലെ ജനത കൊടിയ പീഡനങ്ങളാണ് നേരിട്ടുകൊണ്ടിരിക്കുന്നത്. ഇതുവിവരിച്ച് പല ആളുകളും രംഗത്തുവന്നിരുന്നു. ഇപ്പോഴിതാ സ്വാതന്ത്ര്യം ആഗ്രഹിക്കുന്നവർക്ക് അഫ്ഗാനിലെ ജീവിതം ദുഷ്കരമെന്ന് തുറന്ന വെളിപ്പെടുത്തലുമായി എത്തിയിരിക്കുകയാണ് ഒരു യൂട്യൂബർ. താലിബാൻ അധികാരം ഏറ്റെടുത്തതോടെ അതുവരെ അനുഭവിച്ചിരുന്ന സ്വാതന്ത്ര്യങ്ങൾ പെട്ടെന്ന് നഷ്ടമായ അവസ്ഥയിലാണ് അഫ്ഗാനിസ്ഥാൻ ജനതയെന്നും, അഫ്ഗാനിസ്ഥാനിലെ യൂട്യൂബർമാരുടെ അവസ്ഥ അതിലും പരിതാപകരമാനിന്നും അവർ പറയുന്നു.
കഴിഞ്ഞ ദിവസം കാബൂളിൽ നടന്ന സ്ഫോടനത്തിൽ അഫ്ഗാനിസ്ഥാനിലെ വനിതാ യൂട്യൂബർ നജ്മ സദേഖി മരണമടഞ്ഞിരുന്നു. വെറും 20 വയസ് മാത്രം പ്രായമുള്ള നജ്മയുടെ യൂട്യൂബ് ചാനലിലെ വീഡിയോകൾ 24 മില്ല്യൺ പ്രേക്ഷകർ കണ്ടിട്ടുണ്ട്. മരിക്കുന്നതിന് തൊട്ടുമുമ്പ് നജ്മ അഫ്ഗാനിസ്ഥാനിലെ അവസ്ഥ വിവരിച്ചു കൊണ്ട് ചെയ്ത വീഡിയോയിൽ ഭാവിയെകുറിച്ച് വളരെയേറെ ആശങ്കയുള്ളതായി പറയുന്നുണ്ട്. എന്നാൽ അതിനു മുമ്പുള്ള നജ്മയുടെ വീഡിയോകൾ മുഴുവൻ സന്തോഷം നിറഞ്ഞവയായിരുന്നു.
അതേസമയം അവസാനം ചെയ്ത വീഡിയോയിൽ കറുത്ത പർദ്ദയണിഞ്ഞ് വിഷമത്തോടെയാണ് നജ്മ പ്രേക്ഷകർക്കു മുന്നിലെത്തിയത്. സ്വാതന്ത്ര്യം ആഗ്രഹിക്കുന്നവർക്ക് ഇനി അഫ്ഗാനിലെ ജീവിതം ദുഷ്കരമായിരിക്കുമെന്ന് നജ്മ പറയുന്നുണ്ട്. നജ്മയോടൊപ്പം വീഡിയോ ചെയ്തിരുന്ന റൊഹീന അഫ്ഷാറും ഏതാണ്ട് ഇതേ ചിന്താഗതി തന്നെയാണ് മാധ്യമങ്ങളുമായി പങ്കുവച്ചത്.
താലിബാനുമായി അടുത്ത് ബന്ധമുള്ളവർ മാധ്യമരംഗത്ത് പ്രവർത്തിക്കുന്ന തന്നെ പോലുള്ള സ്ത്രീകളെ നോട്ടമിട്ടിട്ടുള്ളതായി റൊഹീന പറയുന്നു. നിരവധി യൂട്യൂബ് വീഡിയോകളിലൂടെ തന്റെ മുഖം ജനങ്ങൾക്ക് പരിചിതമായതിനാൽ ഇപ്പോൾ പുറത്തിറങ്ങാൻ തന്നെ പേടിയുള്ളതായും ഇവർ പറയുന്നു.
അതേസമയം അഫ്ഗാനിൽ നിന്ന് ദില്ലിയിലെത്തിയ ഒരു സ്ത്രീയ്ക്കെതിരെ താലിബാൻ ഇന്നലെ ഫത്വ പുറപ്പെടുവിച്ചിരുന്നു. ഭർത്താവ് പെൺമക്കളെ ഭീകരന്മാർക്ക് വിറ്റതിൽ മനംനൊന്ത് വിവാഹമോചിതയായി ഇന്ത്യയിലെത്തിയ യുവതിയെയാണ് വധിക്കുമെന്ന് ഭീഷണിപ്പെടുത്തിയത്. ശരിയത്ത് നിയമപ്രകാരം വിവാഹമോചിതയായ സ്ത്രീ അടിമയാണെന്നും രാജ്യംവിട്ടതിനാൽ വധശിക്ഷയാണെന്നുമാണ് താലിബാന്റെ ഫത്വ. നാല് വർഷം മുൻപാണ് അഫ്ഗാനിൽ നിന്നും വിവാഹമോചനത്തെ തുടർന്ന് യുവതി ഇന്ത്യയിലെത്തിയത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
വാഷിംഗ്ടൺ : രണ്ടാഴ്ച നീണ്ടുനിന്ന നാടകീയമായ നീക്കത്തിനൊടുവിൽ റഷ്യൻ എണ്ണക്കപ്പലായ 'മരിനേര' പിടിച്ചെടുത്ത് അമേരിക്കൻ സേന . ഉപരോധങ്ങൾ ലംഘിച്ച്…
ദില്ലി : 2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ഫെബ്രുവരി ഒന്നിന് അവതരിപ്പിക്കാൻ പാർലമെന്ററി കാര്യങ്ങൾക്കായുള്ള കാബിനറ്റ് കമ്മിറ്റി (CCPA)…
തിരുവനന്തപുരം യൂണിവേഴ്സിറ്റി കോളേജിലെ എസ്എഫ്ഐ യൂണിറ്റ് പിരിച്ചുവിട്ടു. എസ്എഫ്ഐ തിരുവനന്തപുരം ജില്ലാ സെക്രട്ടറിയേറ്റിന്റേതാണ് തീരുമാനം. നിരന്തരമുള്ള സംഘർഷങ്ങളിലും സംഘടനാവിരുദ്ധ പ്രവർത്തനങ്ങളിലും…
ഇസ്ലാമാബാദ് : പാകിസ്ഥാനിൽഹമാസ്, ലഷ്കർ-ഇ-തൊയ്ബ കമാൻഡർമാർ തമ്മിൽ കൂടിക്കാഴ്ച നടത്തിയതായി റിപ്പോർട്ട്. പലസ്തീൻ ഭീകര ഗ്രൂപ്പും ഇസ്ലാമിക് ഭീകര സംഘടനയായ…
ദില്ലി : തുർക്ക്മാൻ ഗേറ്റിന് സമീപമുള്ള ഫൈസ്-ഇ-ഇലാഹി പള്ളിക്ക് ചുറ്റുമുള്ള അനധികൃത നിർമ്മാണങ്ങൾ പൊളിച്ചുനീക്കാനുള്ള മുനിസിപ്പൽ കോർപ്പറേഷന്റെ നീക്കത്തിനിടെ വൻ…
ദില്ലി : പുതുവർഷത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദിയും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും ടെലിഫോണിൽ സംഭാഷണം നടത്തി. ഇരുരാജ്യങ്ങളിലെയും…