ശ്രീകൃഷ്ണജയന്തി ആഘോഷത്തിൽ ശ്രീകൃഷ്ണനായി അനുശ്രീ; ഒപ്പം രാധയും, ഫോട്ടോ ഷൂട്ട്‌ പങ്ക് വച്ച് താരം, ഏറ്റെടുത്ത് ആരാധകർ, ചിത്രങ്ങൾ കാണാം

മലയാളികളുടെ പ്രിയ നടിയാണ് അനുശ്രീ. തന്റെ സിനിമ തിരക്കുകൾക്കിടയിലും സോഷ്യൽ മീഡിയയിൽ താരം തന്റെ വിശേഷങ്ങളെല്ലാം പങ്ക് വച്ച് വളരെ സജീവമാണ്. തന്റെ ചിത്രങ്ങളും ആരാധകർക്കായി അനുശ്രീ പങ്ക് വയ്ക്കാറുണ്ട്. ഇപ്പോഴിതാ ശ്രീകൃഷ്ണ ജയന്തിക്ക് താരം പങ്ക് വച്ച ചിത്രങ്ങളാണ് സോഷ്യൽമീഡിയയിൽ ശ്രദ്ധ നേടുന്നത്.

ശ്രീകൃഷ്‍ണ ജയന്തി സ്പെഷ്യൽ ഫോട്ടോ ഷൂട്ട്‌ ആണ് താരം പങ്കുവച്ചത്. ശ്രീകൃഷ്‍ണന്റെ വേഷത്തിലാണ് അനുശ്രീ ഫോട്ടോഷൂട്ടില്‍ ഉള്ളത്. കൂടെ രാധയുമുണ്ട്. ചിങ്ങമാസത്തില്‍ കറുത്തപക്ഷത്തിലെ അഷ്‍ടമിയും രോഹിണിയും ചേര്‍ന്നനാളില്‍ എല്ലാവര്‍ക്കും ശ്രീകൃഷ്‍ണ ജയന്തി ആശംസകള്‍ നേരുന്നു, അവതാരപുരുഷനായ ശ്രീകൃഷ്‍ണ ഭഗവാന്റെ പാദാരവിന്ദങ്ങളില്‍ സമര്‍പ്പിക്കുന്നു എന്നാണ് ചിത്രങ്ങൾ പങ്കുവച്ചുകൊണ്ട് അനുശ്രീ കുറിച്ചത്.

ഒട്ടേറെ പേരാണ് അനുശ്രീയുടെ ഫോട്ടോഷൂട്ടിന് അഭിനന്ദനങ്ങളുമായി രംഗത്ത് എത്തിയിരിക്കുന്നത്. നിതിൻ നാരായണനാണ് ഫോട്ടോഗ്രാഫര്‍. അതേസമയം അനുശ്രീയുടേതായി ഏറ്റവും ഒടുവില്‍ പ്രദര്‍ശനത്തിന് എത്തിയത് മോഹൻലാല്‍ നായകനായ ‘ട്വല്‍ത്ത് മാനാ’ണ്. ജീത്തു ജോസഫ് ആണ് ചിത്രം സംവിധാനം ചെയ്‍തത്.