നാല് വാഹനങ്ങൾ കൂട്ടിയിച്ച് അപകടം; പോറൽപോലും ഏൽക്കാതെ രക്ഷപെട്ട് ഹോളിവുഡ് താരം അർനോൾഡ് ഷ്വാസ്‌നെഗർ

ഹോളിവുഡ് താരം അർനോൾഡ് ഷ്വാസ്‌നെഗരിന്റെ (Arnold Schwarzenegger) ആഡംബര വാഹനം അപകടത്തിൽപെട്ടു.
അർനോൾഡ് ഷ്വാസ്‌നെഗറിന്റേതടക്കം നാല് വാഹനങ്ങൾ കൂട്ടിയിടിച്ചായിരുന്നു അപകടം.
അപകടത്തിൽ അർനോൾഡിന് പരിക്കേറ്റിട്ടില്ലെങ്കിലും, പരിക്കേറ്റ സ്ത്രീയെക്കുറിച്ച് അർനോൾഡ് അത്യാഹിത വിഭാഗവുമായി ബന്ധപ്പെടുന്നത് തുടരുകയാണെന്ന് അദ്ദേഹത്തിന്റെ വക്താവ് പറഞ്ഞു

ഹോളിവുഡ് നടനും കാലിഫോർണിയ മുൻ ഗവർണറുമായ അർനോൾഡ് തന്റെ വലിയ ജിഎംസി യുക്കോൺ കാറിൽ സൺസെറ്റ് ബൊളിവാർഡിൽ നിന്ന് അലൻഫോർഡ് അവന്യൂവിലേക്ക് യാത്ര ചെയ്യുകയായിരുന്നു. റിവിയേര കൺട്രി ക്ലബ്ബിന് സമീപമെത്തിയ അർനോൾഡിന്റെ കാറിൽ രണ്ട് കാറുകൾ കൂട്ടിയിടിക്കുകയായിരുന്നു.

താരത്തിന് പരിക്കില്ലന്നാണ് സൂചന. ഇന്നലെ വൈകുന്നേരം 4 മണിക്ക് ശേഷമാണ് സംഭവം. കൂട്ടിയിടിയുടെ കാരണം വ്യക്തമല്ല. അപകടസമയത്ത്, ഷ്വാസ്‌നെഗർ തന്റെ മെഗാ-എസ്‌യുവിലായിരിന്നു. സംഭവത്തിൽ അന്വേഷണം നടക്കുന്നുണ്ടെന്ന് ലോസ് ഏഞ്ചൽസ് പോലീസ് ഡിപ്പാർട്ട്മെന്റ് അറിയിച്ചു. 74 കാരനായ അർണോൾഡ് ടെർമിനേറ്റർ ഉൾപ്പെടെ നിരവധി ലോകപ്രശസ്ത ചിത്രങ്ങളിൽ അഭിനയിച്ചിട്ടുണ്ട്