പ്രതിരോധശേഷി വര്‍ധിപ്പിക്കാന്‍ ബീറ്റ്‌റൂട്ട് ഉപയോഗിക്കൂ

നമ്മൾക്കെല്ലാവർക്കും ഇഷ്ട്ടമുള്ള ഒരു പച്ചക്കറിയാണ് ബീറ്റ്‌റൂട്ട്. ഇതിൽ ഒരുപാട് ഗുണങ്ങൾ അടങ്ങിയിട്ടുണ്ട്. നമ്മുടെ ശരീരത്തിനാവശ്യമായ പോഷകങ്ങളുടെ കലവറ എന്നു തന്നെ പറയാം ബീറ്റ്‌റൂട്ടിനെ. ഫൈബര്‍,വിറ്റാമിന്‍ സി, ഇരുമ്ബ്, ധാരാളം ആന്റി ഓക്‌സിഡന്റുകള്‍ എന്നിവയാല്‍ സമ്ബുഷ്ടമാണ് ബീറ്റ്‌റൂട്ട്. നമ്മുടെ ദിവസേനയുള്ള ഡയറ്റില്‍ ഉള്‍പ്പെടുത്താന്‍ പറ്റിയ ഏറ്റവും നല്ല പച്ചക്കറിയാണ് ബീറ്റ്‌റൂട്ട്. നല്ല ആരോഗ്യമുള്ള ശരീരത്തിന് ആദ്യം വേണ്ടത് നല്ല പ്രതിരോധശേഷിയാണ്.

നമ്മുടെ പ്രതിരോധശേഷി വര്‍ധിപ്പിക്കാന്‍ ഇത് നല്ല രീതിയിൽ സഹായിക്കാറുണ്ട്‌.ഇതിൽ അടങ്ങിയിരിക്കുന്ന പോഷകങ്ങള്‍ നമ്മുടെ ശരീരത്തിലെ അരുണരക്താണുക്കളുടെ അളവ് വര്‍ധിപ്പക്കാന്‍ സഹായിക്കുന്നു. ഇതുവഴി അണുബാധകളില്‍ നിന്ന് രക്ഷനേടാനും ആരോഗ്യത്തോടെ ഇരിക്കാനും സഹായിക്കുന്നു.

അതുപോലെ തന്നെ രക്തസമ്മര്‍ദ്ദം കുറയ്ക്കുന്നതിനും വിളര്‍ച്ച പോലുള്ള അസുഖങ്ങളെ പ്രതിരോധിക്കാനും ത്വക്കിന്റെ സംരക്ഷണത്തിനും ബീറ്റ്‌റൂട്ട് സഹായിക്കുന്നു. കൂടാതെ മുടിയുടെ തിളക്കത്തിനും ഇത് ഉപയോഗിക്കും. ദിവസേനെയുള്ള ആഹാരത്തില്‍ സൂപ്പ് ആയും സാലഡ് ആയുമൊക്കെ ഉള്‍പ്പെടുത്തന്നത് നല്ല ആരോഗ്യം നിലനിര്‍ത്താന്‍ സഹായിക്കുന്നതാണ്.