ബിഗ് ബോസ് 5ൽ ആദ്യ ദിനം തന്നെ അടി;വൈബര്‍ ഗുഡ് ദേവുവും എയ്ഞ്ചലിനയും നേർക്കുനേർ

പ്രേക്ഷകർ ഏറെ ആകാംഷയോടെ കാത്തിരുന്ന ബിഗ് ബോസ് മലയാളം സീസൺ 5 ന് ഇന്നലെ തിരിതെളിഞ്ഞിരുന്നു. പുതിയ മത്സരാർത്ഥികളെപ്പറ്റിയാണ് ഇപ്പോൾ സോഷ്യല്‍ മീഡിയയില്‍ എങ്ങും ചർച്ചാ വിഷയം. പതിനെട്ട് മത്സരാർത്ഥികളാണ് ബിഗ് ബോസ് 5ൽ ഉള്ളത്. സോഷ്യല്‍ മീഡിയയില്‍ വലിയ പിന്തുണയുള്ളവരാണ് ഈ സീസണിലെ ഭൂരിഭാഗം മത്സരാര്‍ഥികളുമെന്നതാണ് എടുത്തു പറയേണ്ട കാര്യം.

ആദ്യ ദിനം തന്നെ തല്ലുണ്ടെന്ന വാർത്തയാണ് ഇപ്പോൾ പുറത്തു വരുന്നത്. രണ്ടാം ദിവസത്തെ ആദ്യ പ്രൊമോയിൽ ഇത് വ്യക്തമാണ്. സോഷ്യല്‍ മീഡിയ സ്റ്റാറായ ദേവുവും നടി എയ്ഞ്ചലിന മരിയയും തമ്മിലാണ് ഈ സീസണിലെ ആദ്യ വഴക്കിന് തുടക്കം കുറിച്ചിരിക്കുന്നത്. ഞങ്ങള്‍ ഇവിടെ ഇരിക്കുന്നത് നിങ്ങളുടെ കഥ കേള്‍ക്കാനല്ലെന്ന് പറഞ്ഞ് വിഷ്ണുവാണ് വഴക്കിന് തുടക്കം കുറിക്കുന്നത്. ഞാനെപ്പോള്‍ സംസാരിക്കണമെന്ന് തീരുമാനിക്കുന്നത് നിങ്ങളല്ലെന്ന് ദേവുവും തിരിച്ചു പറയുന്നു. എന്നാല്‍ നീ പറഞ്ഞോ എന്ന് എയ്ഞ്ചലിന പറയുമ്പോള്‍ എനിക്ക് സംസാരിക്കാന്‍ നിന്റെ അനുവാദം വേണ്ടെന്ന് ദേവു പറയുന്നത് പ്രോമോ വീഡിയോയിൽ കാണാം. തുടർന്ന് ഇരുവരും കനത്ത വാക്കുതർക്കങ്ങളിലേക്ക് കടക്കുകയാണ്.