ബൈക്കില്‍ ഷാള്‍ കുരുങ്ങി,റോഡിൽ വീണ് തല വേർപെട്ടു: പത്ത് വയസ്സുകാരിയ്ക്ക് ദാരുണാന്ത്യം

കോയമ്പത്തൂർ: ബൈക്കിൽ പോകുന്നതിനിടെ (Bike Accident)ഷാള്‍ കുരുങ്ങി പത്ത് വയസ്സുകാരി റോഡില്‍ വീണു മരിച്ചു. അന്നൂര്‍ വടക്കല്ലൂര്‍ സുബ്രഹ്മണിയുടെ മകള്‍ ദര്‍ശന ആണ് മരിച്ചത്. അമ്മയും അയല്‍ക്കാരനുമൊത്തു ആശുപത്രിയിൽ പോയി മടങ്ങുന്നതിനിടെയാണ് അപകടം. അഞ്ചാം ക്ലാസ് വിദ്യാര്‍ത്ഥിനിയാണ് ദര്‍ശന.

അസുഖം ബാധിച്ചതിനെ തുടർന്ന് ദര്‍ശനയെ അയല്‍ക്കാരന്‍ വിഘ്നേശിന്റെ ബൈക്കില്‍ അമ്മ സര്‍ക്കാര്‍ ആശുപത്രിയില്‍ കൊണ്ടുപോയി മടങ്ങി വരുമ്പോഴാണ് അപകടം ഉണ്ടായത്. കാറ്റു തട്ടാതിരിക്കാന്‍ കുട്ടിയുടെ കഴുത്തില്‍ ഷാള്‍ മുറുക്കി ചുറ്റിയിരുന്നു.

വിഘ്നേശിനും അമ്മയ്ക്കും ഇടയിലാണ് ദര്‍ശന ഇരുന്നിരുന്നെങ്കിലും ദര്‍ശനയുടെ ഷാള്‍ ബൈക്കിന്റെ പിന്‍ചക്രത്തില്‍ കുടുങ്ങുകയായിരുന്നു. റോഡില്‍ തെറിച്ചു വീണ ദര്‍ശനയുടെ തല കഴുത്തില്‍ നിന്നു വേര്‍പെട്ടാണു മരിച്ചത്.