ജെ പി നദ്ദ എത്തുന്നു,ആവേശത്തോടെ കേരളം

 തിരഞ്ഞെടുപ്പ് പ്രചരണത്തിന്റെ ഭാ​ഗമായി രണ്ട് ദിവസത്തെ കേരള സന്ദർശനത്തിനെത്തുന്ന ബി.ജെ.പി ദേശീയ അദ്ധ്യക്ഷന്‍ ജെ.പി നദ്ദയെ വരവേല്‍ക്കാന്‍ ഒരുങ്ങി കേരളം. ഇന്ന് ഉച്ചയ്ക്ക് 12 മണിക്ക് തിരുവനന്തപുരം അന്താരാഷ്ട്ര വിമാനത്താവളത്തിലെത്തുന്ന നദ്ദയ്ക്ക് പാർട്ടി പ്രവർത്തകർ ഉജ്ജ്വല സ്വീകരണം നൽകുമെന്ന് സംസ്ഥാന പ്രസിഡന്റ് കെ.സുരേന്ദ്രൻ പറഞ്ഞു

ബിജെപി ദേശീയ അധ്യക്ഷൻ ഇന്നും നാളെയുമായി രണ്ട് ദിവസത്തെ വിവിധ സംഘടനാ പരിപാടികളിൽ പങ്കെടുക്കും.പാർട്ടിയുടെ ദേശീയ പ്രസിഡന്റായി അധികാരമേറ്റ ശേഷം നദ്ദയുടെ ആദ്യ കേരള സന്ദർശനമാണിത്. ജെ പി നദ്ദ പാർട്ടിയുടെ കേരള യൂണിറ്റ് കോർ കമ്മിറ്റിയെ അഭിസംബോധന ചെയ്യുമെന്നും പുതുതായി തിരഞ്ഞെടുക്കപ്പെട്ട കൗൺസിലർമാരെയും ബ്ലോക്ക്, ജില്ല പഞ്ചായത്ത് അംഗങ്ങളെ ബുധനാഴ്ച തിരുവനന്തപുരത്ത് സന്ദർശിക്കുമെന്നും ബിജെപി മാധ്യമ ചുമതലയുള്ള രാജ്യസഭാ അംഗം അനിൽ ബലൂണി പ്രസ്താവനയിൽ പറഞ്ഞു. ബിജെപി അധ്യക്ഷൻ പത്മനാഭസ്വാമി ക്ഷേത്രം സന്ദർശിക്കുമെന്നും ഇന്ന് വൈകുന്നേരം എൻ‌ഡി‌എ സഖ്യ കക്ഷികളുമായി വ്യക്തിഗതമായി കൂടിക്കാഴ്ച നടത്തുമെന്നും അദ്ദേഹം പറഞ്ഞു.വിവിധ മേഖലകളിലുള്ളവരുമായി ജെ പി നദ്ദ ചർച്ച നടത്തുകയും “മിഷൻ കേരളം” പദ്ധതിയുടെ തിരഞ്ഞെടുപ്പ് തന്ത്രങ്ങൾ വിശദീകരിക്കുകയും ചെയ്യുമെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ പറഞ്ഞു: “

നാളെ ജെ പി നദ്ദ കൊച്ചിയിൽ പാർട്ടി സംസ്ഥാന ഭാരവാഹികൾ, ചുമതലക്കാർ, കൺവീനർമാർ, ജില്ലാ പ്രസിഡന്റുമാർ, ജില്ലാ ജനറൽ സെക്രട്ടറിമാർ എന്നിവരുടെ യോഗത്തിൽ സംസാരിക്കും. നിയമസഭാ മണ്ഡലങ്ങളിലെ ചുമതലക്കാരും കൺവീനർമാരും ഈ യോഗത്തിൽ പങ്കെടുക്കും തൃശ്ശൂരിൽ വടക്കുംനാഥ ക്ഷേത്ര മൈതാനത്ത് നാളെ വൈകുന്നേരം പൊതു റാലിയെയും അദ്ദേഹം അഭിസംബോധന ചെയ്യും.