ദീർഘ നാളത്തെ പ്രണയത്തിന് ശേഷം ബോളിവുഡ് നടൻ രൺദീപ് ഹൂഡയും നടി ലിൻ ലൈഷ്‌റാമും വിവാഹിതരായി. ഇന്നലെ മണിപ്പൂരിന്റെ തലസ്ഥാനമായ ഇംഫാലിൽ വച്ചായിരുന്നു ആചാരവിധിപ്രകാരമുള്ള വിവാഹം. താരങ്ങളുടെ വിവാഹ ചിത്രങ്ങളും വിഡിയോയും പുറത്തുവന്നിട്ടുണ്ട്. ഇവ സമൂഹ മാദ്ധ്യമങ്ങളിൽ അതിവേഗം പ്രചരിക്കുകയാണ്.
പരമ്പരാഗത രീതിയിലുള്ള മണിപ്പൂരി വരന്‍റെ വെള്ള വസ്ത്രം ധരിച്ചാണ് ഹൂഡ എത്തിയത്. കട്ടിയുള്ള തുണിയും മുളയും കൊണ്ട് നിർമ്മിച്ച പൊള്ളോയ് എന്ന പരമ്പരാഗത വേഷമാണ് ലിന്‍ ധരിച്ചിരുന്നത്. അടുത്ത ബന്ധുക്കളും സുഹൃത്തുക്കളും മാത്രമായിരുന്നു വിവാഹചടങ്ങിൽ പങ്കെടുത്തത്. മുംബൈയില്‍ വച്ച് സഹപ്രവർത്തകർക്കായി വിവാഹ സൽക്കാരമൊരുക്കും.
Congratulations to Randeep Hooda (From Haryana) & Lin Laishram (From Manipur)!
The amazing couple solemnised their marriage in a very beautiful traditional Meitei wedding ceremony in Imphal, Manipur.
May your love grow stronger every passing year !#LinLaishram @RandeepHooda pic.twitter.com/zh2lz6rE2P— Kiren Rijiju (@KirenRijiju) November 29, 2023
മണിപ്പൂര്‍ സ്വദേശിനിയായ ലിന്‍ ഉപരിപഠനത്തിന്റെ ഭാഗമായാണ് മുംബൈയില്‍ എത്തുന്നത്. ഷാറൂഖ് ഖാന്‍ ചിത്രം ഓം ശാന്തി ഓം ലൂടെയാണ് സിനിമയിലേക്ക് പ്രവേശിക്കുന്നത്. മേരി കോം, മോഡേണ്‍ ലവ് സ്‌റ്റോറി തുടങ്ങിയ സിനിമകളില്‍ അഭിനയിച്ചു. സജൈ ഘോഷിന്റെ ജാനെ ജാനില്‍ ആണ് അവസാനം അഭിനയിച്ചത്.
സ്വതന്ത്ര വീര്‍ സവര്‍ക്കര്‍ എന്ന സിനിമയിലാണ് രണ്‍ദീപ് ഹൂഡ അഭിനയിക്കുന്നത്. വിനായക് ദാമോദര്‍ സവര്‍ക്കറായിട്ടാണ് താരം എത്തുന്നത്. ഉത്കര്‍ഷ് നൈതാനിയും രണ്‍ദീപ് ഹൂഡയും ചേര്‍ന്ന സംവിധാനവും രചനയും നിര്‍വ്വഹിച്ച ഈ ചിത്രം നിര്‍മ്മിക്കുന്നത്. ആനന്ദ് പണ്ഡിറ്റ് മോഷന്‍ പിക്ചേഴ്സും രണ്‍ദീപ് ഹൂഡ ഫിലിംസും ലെജന്‍ഡ് സ്റ്റുഡിയോസും അവക് ഫിലിംസും ചേര്‍ന്നാണ്.സവര്‍ക്കറാകാൻ വേണ്ടിയുള്ള നടന്റെ രൂപ മാറ്റം ഏറെ ശ്രദ്ധ നേടിയിരുന്നു.
