തിരുവനന്തപുരം: തിരുവനന്തപുരം കഴക്കൂട്ടത്ത് യുവാവിന് നേരെ ബോംബെറിഞ്ഞ സംഭവത്തില് 4 പേർ അറസ്റ്റിൽ. തുമ്പ സ്വദേശി ലിയോണ് ജോണ്സനെയും സംഘത്തെയുമാണ് പോലീസ് പിടികൂടിയത്. കഴിഞ്ഞദിവസമുണ്ടായ ആക്രമണത്തില് തുമ്പ സ്വദേശി പുതുരാജന് ക്ലീറ്റസിന്റെ വലതു കാല് തകര്ന്നിരുന്നു. ക്ലീറ്റസ് നിലവില് തിരുവനന്തപുരം മെഡിക്കല് കോളേജില് ഗുരുതരാവസ്ഥയില് തുടരുകയാണ്. കൂടാതെ
ക്ലീറ്റസിന് ഒപ്പമുള്ളവര്ക്കും സാരമായ പരിക്കുകളുണ്ട്. കഴക്കൂട്ടം മേനംകുളത്ത്, പുതുരാജന് ക്ലീറ്റസ്, സിജു, സുനില് എന്നിവര് സംസാരിച്ച് നില്ക്കുമ്പോഴായിരുന്നു ആക്രമണം.
ലഹരി കച്ചവടത്തെ എതിര്ത്തതടക്കം ആക്രമണത്തിന് കാരണമായെന്നാണ് പുറത്തുവരുന്ന വിവരം.എന്നാൽ പ്രതികള് ആക്രമണത്തിന് മുന്പും ശേഷവും ചില പ്രകോപന പോസ്റ്റുകള് സോഷ്യല് മീഡിയയില് പങ്കു വെച്ചതായും പോലീസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിലണ് ഈ നാല് പേരെ കസ്റ്റഡിയിലെടുത്തത്. അതേസമയം പ്രതികളെ കുറിച്ച് രാത്രി തന്നെ പോലീസിന് സൂചനകള് ലഭിച്ചിരുന്നു.
