ഗോഡൗണിൽ വൻ സ്‌ഫോടനം; പിന്നിൽ ദുരൂഹതയെന്ന് പോലീസ്

ഇംഫാൽ: മണിപ്പൂരിൽ വൻ സ്‌ഫോടനം (Bombblast In Manipur). ഗാല മാൽ ഗോഡൗണിലാണ് സ്‌ഫോടനം ഉണ്ടായത്. ഐഇഡികളാണ് പൊട്ടിത്തെറിച്ചതെന്നാണ് പ്രാഥമിക വിവരം. സ്‌ഫോടനത്തിൽ ആർക്കും പരിക്കേറ്റിട്ടില്ല. സംഭവത്തെ തുടർന്ന് ഫോറൻസിക് വിദഗ്ദരും പോലീസും സ്ഥലത്തെത്തി പരിശോധന ആരംഭിച്ചിരിക്കുകയാണ്. ഗോഡൗണിൽ ആരുമില്ലാത്ത സമയത്താണ് സ്‌ഫോടനം നടന്നത്. സിസിടിവി ദൃശ്യങ്ങളിൽ ഒരാളുടെ മുഖം പതിഞ്ഞിട്ടുണ്ട്. സംഭവത്തിൽ പോലീസിന്റെ അന്വേഷണം പുരോഗമിക്കുകയാണ്.

അതേസമയം അക്രമിയെ കണ്ടെത്താനുള്ള അന്വേഷണം ആരംഭിച്ചു കഴിഞ്ഞുവെന്നും, പ്രതിയെന്ന് സംശയിക്കുന്ന ആൾ ഒരു സ്‌കൂട്ടറിൽ എത്തുന്നത് ഗോഡൗണിനു മുന്നിൽ നിർത്തുന്നതുമാണ് സിസിടിവി ദൃശ്യങ്ങളിൽ ഉള്ളതെന്ന് പോലീസ് സബ്-ഇൻസ്‌പെക്ടർ മാധ്യമങ്ങളോട് പറഞ്ഞു. എന്നാൽ തനിക്ക് ആരും തന്നെ ശത്രുക്കളായി ഇല്ലെന്നും, സ്‌ഫോടനത്തിൽ തനിക്ക് യാതൊരു പങ്കില്ലെന്നും ഗോഡൗണിന്റെ ഉടമസ്ഥനായ രാംനാഥ് സാഹു അറിയിച്ചു.