തൊണ്ണൂറ്റിരണ്ടാമത് ഓസ്കാർ പുരസ്കാര പ്രഖ്യാപനത്തിന് ഹോളിവുഡിലെ ഡോള്ബി തീയറ്ററില് തുടക്കം. മികച്ച സഹനടനുള്ള അവാർഡ് പ്രഖ്യാപിച്ചു കൊണ്ടാണ് പുരസ്കാര നിശയ്ക്കു തുടക്കം കുറിച്ചത്. വൺസ് അപോൺ എ ടൈം ഇൻ ഹോളിവുഡ് എന്ന ചിത്രത്തിലെ അഭിനയത്തിന് മികച്ച സഹനടനുളള ഓസ്കർ ബ്രാഡ് പിറ്റ് സ്വന്തമാക്കി. ടോം ഹാങ്ക്സ്, ആന്റണി ഹോപ്കിൻസ്, ആൽപച്ചിനോ തുടങ്ങിയവരെ പിന്തള്ളിയായിരുന്നു ബ്രാഡ് പുരസ്കാരത്തിന് അർഹനായത്.
പാരസൈറ്റ് മികച്ച തിരക്കഥയ്ക്കുള്ള ഓസ്കർ പുരസ്കാരം നേടി. ബോൻ ജൂൻ ഹോ, ഹാൻ ജിൻ വോൻ എന്നിവര് ചേർന്നാണ് തിരക്കഥ ഒരുക്കിയത്. ഈ പുരസ്കാരം നേടുന്ന ആദ്യത്തെ ദക്ഷിണ കൊറിയ ചിത്രമാണ് പാരസൈറ്റ്. പുരസ്കാര പ്രഖ്യാപനം പുരോഗമിക്കുകയാണ്.