കൊച്ചി: ബ്രഹ്മപുരം മാലിന്യ പ്ലാന്റിനുണ്ടായ തീപിടിത്തത്തെ തുടർന്ന് കൊച്ചിയെ മൂടിയ വിഷപ്പുകയ്ക്ക് ആറാം ദിവസവും ശമനമില്ല. ഇന്ന് കാഴ്ച്ച മറയ്ക്കും വിധമാണ് പുക മൂടിയിരിക്കുന്നത്. കഴിഞ്ഞദിവസത്തേക്കാൾ ഇന്ന് വിഷപ്പുക രൂക്ഷമാണെന്നാണ് റിപ്പോർട്ടുകൾ. ഒന്നും ചെയ്യാനില്ലാതെ കുഴങ്ങുകയാണ് അധികൃതർ. ഇന്നും വിദ്യാഭ്യാസ സ്ഥാപനങ്ങൾക്ക് കൊച്ചിയിൽ അവധി പ്രഖാപിച്ചിട്ടുണ്ട്. വടവുകോട്, പുത്തൻകുരിശ്, കിഴക്കമ്പലം, കുന്നത്തുനാട് പഞ്ചായത്തുകളിലും തൃക്കാക്കര, തൃപ്പുണിത്തുറ, മരട് മുനിസിപ്പാലിറ്റികളിലും, കൊച്ചി കോർപ്പറേഷനിലുമാണ് ഒന്ന് മുതൽ ഏഴ് വരെ ക്ലാസ്സുകൾക്ക് ആരോഗ്യമുൻകരുതലിന്റെ ഭാഗമായി അവധി പ്രഖ്യാപിച്ചിട്ടുള്ളത്. മാലിന്യ കൂമ്പാരത്തിലെ തീ അണച്ചുവെന്ന് അധികൃതർ അവകാശപ്പെടുമ്പോഴും പുക നിയന്ത്രിക്കാൻ ഇതുവരെ സാധിക്കാത്തത് ആശങ്കാജനകമാണ്. നിരവധിപേർ ഇതിനോടകം തന്നെ ആരോഗ്യ പ്രശ്നങ്ങളാൽ ചികിത്സ തേടിയിട്ടുണ്ട്. അതേസമയം പ്ലാന്റ് പ്രവർത്തന രഹിതമായതോടെ കൊച്ചിയിലെ മാലിന്യനീക്കം തടസ്സപ്പെട്ടിരിക്കുന്നു. അതുകൊണ്ടുതന്നെ ജൈവമാലിന്യം ഇന്ന് മുതൽ അമ്പലമേട്ടിൽ കിൻഫ്രയുടെ സ്ഥലത്ത് നിക്ഷേപിക്കാൻ നഗരസഭ തീരുമാനിച്ചിട്ടുണ്ട്.
ഇതിനിടെ ബ്രഹ്മപുരം മാലിന്യ പ്ലാന്റിലെ തീപിടിത്തത്തിന്റെ പുകശല്യം ശാശ്വതമായി പരിഹരിക്കാൻ സ്വീകരിച്ച നടപടികൾ അറിയിക്കണമെന്ന് മനുഷ്യാവകാശ കമ്മീഷൻ ആവശ്യപ്പെട്ടിരിക്കുകയാണ്. നടപടികൾ രണ്ടാഴ്ചക്കകം അറിയിക്കണമെന്നാണ് നിർദേശം. ചീഫ് സെക്രട്ടറി, എറണാകുളം ജില്ലാ കളക്ടർ, മലിനീകരണ നിയന്ത്രണ ബോർഡ് എൻവയൺമെന്റൽ എഞ്ചിനിയർ, കൊച്ചി നഗരസഭാ സെക്രട്ടറി എന്നിവർക്കാണ് കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക് നോട്ടീസയച്ചത്.
പ്രമുഖ എഴുത്തുകാരനും സാഹിത്യ പ്രവർത്തകനുമായ വേണു വടക്കേടത്തിന്റെ ആത്മകഥയായ സ്നേഹപൂർവ്വം വേണു പ്രകാശനം ചെയ്തു. തിരുവനന്തപുരം ഭാരത് ഭവനിൽ നടന്ന…
കൗൺസിലറുടെ ഫയലുകൾ കക്കൂസിൽ ! എം എൽ എയും സംഘവും ഓഫീസിൽ സ്വൈര വിഹാരം നടത്തുന്നു ! ലക്ഷങ്ങൾ അലവൻസ്…
വി കെ പ്രശാന്ത് രാഷ്ട്രീയ മര്യാദ കാട്ടിയില്ല ! ശ്രീലേഖയുടെ അഭ്യർത്ഥന അനാവശ്യ രാഷ്ട്രീയ വിവാദത്തിന് ഉപയോഗിച്ചു. കഴിഞ്ഞ അഞ്ചുവർഷം…
ഓഫീസ് കെട്ടിടത്തിന്റെ അസൗകര്യം ചൂണ്ടിക്കാണിച്ചതിന് മേയറും എംഎൽഎയും ചേർന്ന് വിഷയത്തെ വളച്ചൊടിച്ചുവെന്ന ആരോപണവുമായി മുൻ കൗൺസിലറും വനിതാ പ്രതിനിധിയും രംഗത്ത്.…
ഇങ്ങനെയാണ് എല്ലാ കെട്ടിടങ്ങളും വാടകയ്ക്ക് നൽകിയിരിക്കുന്നതെങ്കിൽ നടന്നിരിക്കുന്നത് വൻ അഴിമതി ! കോടികളുടെ വരുമാന ചോർച്ച ! എല്ലാ വാടകക്കരാറുകളും…
2025-ലെ അവസാന മൻ കി ബാത്തിലൂടെ ഭാരതം ഈ വർഷം കൈവരിച്ച വിസ്മയിപ്പിക്കുന്ന നേട്ടങ്ങൾ പ്രധാനമന്ത്രി നരേന്ദ്ര മോദി രാജ്യത്തിന്…