തൃശ്ശൂർ വാടാനപ്പള്ളി കടപ്പുറത്ത് ചാളചാകര; തിരമാലയിൽ കരയിൽ അടിച്ചു കയറിയത് വൻതോതിൽ

തൃശൂർ വാടാനപ്പള്ളി കടപ്പുറത്ത് ചാളചാകര. പൊക്കാഞ്ചേരി ബീച്ചിൽ രാവിലെയാണ് കരയിലേക്ക് വൻതോതിൽ ചാളമീനുകൾ തിരമാലയോടൊപ്പം അടിച്ചു കയറിയത്.

രാവിലെ കടപ്പുറത്തെത്തിയവരാണ് തിരമാലയോടൊപ്പം മീനുകളും കരക്കടിയുന്നത് ശ്രദ്ധിച്ചത്. തുടർന്ന് നാട്ടിലുള്ളവരെ വിവരമറിയിച്ചതോടെ കൂടുതൽ ആളുകളെത്തി മൽസ്യം കൊണ്ടു പോകാൻ തുടങ്ങി. കടപ്പുറത്ത് ഇപ്പോഴും ചാകര തുടരുകയാണ്.

തിരമാലയോടൊപ്പം തീരത്തേക്ക് മത്സ്യങ്ങൾ അടിച്ചുകയറുകയാണ്. ചാള ചാകരയുടെ വിവരമറിഞ്ഞ് നിരവധിപേരാണ് ഇപ്പോഴും കടപ്പുറത്തേക്ക് എത്തിക്കൊണ്ടിരിക്കുന്നത്.