മുഖ്യമന്ത്രി ഇന്ന് കാസർകോടെത്തും ; വൻ സുരക്ഷാ സന്നാഹങ്ങളൊരുക്കി പോലീസ്

കാസർകോട് : പ്രതിഷേധങ്ങൾക്കിടയിൽ മുഖ്യമന്ത്രി ഇന്ന് കാസർകോടെത്തും. അഞ്ച് പൊതുപരിപാടികളിൽ അദ്ദേഹം പങ്കെടുക്കും. യൂത്ത് കോൺഗ്രസിന്റെ പ്രതിഷേധങ്ങൾക്കിടെയാണ് മുഖ്യമന്ത്രിയുടെ വരവ്. വൻ സുരക്ഷാ സന്നാഹങ്ങളാണ് ഒരുക്കിയിരിക്കുന്നത്. സുരക്ഷയ്ക്കായി പോലീസുകാരെ വിന്യസിച്ചിട്ടുണ്ട്. കാസർകോട് ജില്ലയ്ക്ക് പുറമേ മറ്റ് നാല് ജില്ലകളിൽ നിന്നുള്ള പോലീസുകാരെ കൂടി സുരക്ഷയ്ക്കായി ഒരുക്കിയിട്ടുണ്ട്. മുഖ്യമന്ത്രിയുടെ പരിപാടികളിൽ കറുപ്പിന് വിലക്കില്ലെന്ന് പോലീസ് അറിയിച്ചു

അതേസമയം കഴിഞ്ഞ ദിവസം കോഴിക്കോട്ടെ മുഖ്യമന്ത്രിയുടെ പരിപാടിയിൽ കറുപ്പിന് വിലക്കേര്‍പ്പെടുത്തിയിരുന്നു. കോഴിക്കോട് മുഖ്യമന്ത്രി പിണറായി വിജയന് നേരെ കരിങ്കൊടി കാണിച്ച ഏഴ് കെഎസ്‍യു പ്രവർത്തകരെ പോലീസ് കസ്റ്റഡിയിലെടുത്തിരുന്നു.