സംസ്ഥാനത്ത് സ്കൂൾ കുട്ടികളിലെ ആത്മഹത്യ കൂടുന്നുവെന്ന് റിപ്പോർട്ട്; ആത്മഹത്യ ചെയ്യുന്നതിൽ കൂടുതലും പെൺകുട്ടികൾ; കാരണം ഇതാണ് ….

തിരുവനന്തപുരം: കേരളത്തിൽ കുട്ടികളുടെ ആത്മഹത്യ വർധിക്കുന്നതായി പോലീസിന്റെ (Police) പഠന റിപ്പോർട്ട്. കോവിഡ് കാലത്താണ് കുട്ടികളിൽ ആത്മഹത്യ പ്രവണത വർധിച്ചത്. കഴിഞ്ഞ മൂന്ന് വർഷത്തെ കണക്കുകള്‍ പരിശോധിച്ചാണ് പോലീസ് റിപ്പോർട്ട് തയ്യാറാക്കിയിരിക്കുന്നത്. കുട്ടികളുടെ ആത്മഹത്യകള്‍ റിപ്പോർട്ട് ചെയ്യുന്നത് കൂടുന്ന സാഹചര്യത്തിലാണ് ഇതിനെ സംബന്ധിച്ച് പഠനം നടത്തിയത്.

കുടുംബ ബന്ധങ്ങളിലെ പ്രശ്നങ്ങളാണ് കുട്ടികളിലെ ആത്മഹത്യ വർധിക്കാൻ കാരണമായതെന്ന് സർക്കാരിന് കൈമാറിയ റിപ്പോർട്ടിൽ പോലീസ് വ്യക്തമാക്കുന്നു. 2019-ൽ 230 കുട്ടികളാണ് സംസ്ഥാനത്ത് ആത്മഹത്യ ചെയ്തത്. ഇതിൽ, 97 ആണ്‍കുട്ടികളും, 133 പെണ്‍കുട്ടികളും ആണ് . 2020-ൽ 311 കുട്ടികള്‍ ആത്മഹത്യ ചെയ്തു. 142 ആണ്‍കുട്ടികളും, 169 പെണ്‍കുട്ടികളും ഇതിൽ ഉൾപ്പെടും . 2021 ആയപ്പോള്‍ ആതമഹത്യ നിരക്ക് 345 ആയി. 168 ആണ്‍കുട്ടികളും, 177 പെണ്‍കുട്ടികളും ആത്മഹത്യ ചെയ്തതെന്നാണ് റിപ്പോർട്ട്. കൂടുതലും പെൺകുട്ടികളാണ് ആത്മഹത്യ ചെയ്യുന്നത്. പരീക്ഷ തോൽവി, ഓണ്‍ ലൈൻ ഗെയിമുകൾ, പ്രണയ നൈരാശ്യം ഇതെല്ലാം ആത്മഹത്യക്ക് കാണമായിട്ടുണ്ട്.