വരൻ വിവാഹസമ്മാനമായി നൽകിയത് 60 കിലോ സ്വർണം, അനങ്ങാന്‍ പോലുമാകാതെ കല്യാണപ്പെണ്ണ്; പിന്നെ സംഭവിച്ചത്

ഹുബൈ: വിവാഹമെന്നത് എല്ലാ പെണ്‍കുട്ടികളുടെ സ്വപ്നമാണ്. എന്നാല്‍ 60 കിലോ വധുവിന് സമ്മാനിച്ചത് കണ്ട് അന്തം വിട്ടിരിക്കുകയാണ് സോഷ്യല്‍ മീഡിയ. വിവാഹ വേദിയിൽ നടക്കാൻ പോലും സാധിക്കാതെ തളർന്നിരിക്കുന്ന വധുവിന്റെ ചിത്രങ്ങൾ സാമൂഹിക മാദ്ധ്യമങ്ങളിൽ വ്യാപകമായി പ്രചരിക്കുന്നത്.

ചൈനയിലെ ഹുബെ പ്രവിശ്യയിലാണ് സംഭവം. കല്യാണദിവസം നടക്കാന്‍ പോലും ബുദ്ധിമുട്ടുകയായിരുന്നു വധു. കാരണം 60 കിലോ സ്വര്‍ണാഭരണങ്ങള്‍ അണിഞ്ഞാണ് അവര്‍ വിവാഹവേദിയിലെത്തിയത്.വിവാഹദിനസം സ്വര്‍ണാഭരണം അണിയുന്നത് നല്ലതാണെന്ന വിശ്വാസമാണ് ഇതിന് പിന്നില്‍ എന്ന് പറയപ്പെടുന്നു. എന്നാല്‍ 60 കിലോ സ്വര്‍ണം ധരിച്ചതോടെ വധുവിന് നടക്കാന്‍ പോലും പരസഹായം വേണ്ടി വന്നുവെന്നതാണ് രസകരം.

ഒരു കിലോഗ്രാം തൂക്കമുള്ള 60 സ്വര്‍ണ്ണ നെക്ളേസുകളാണ് വരന്‍റെ വീട്ടുകാര്‍ സമ്മാനമായി നല്‍കിയത്. ഇതിനു പുറമേ രണ്ടു കൈകളിലും രണ്ടു ഭീമന്‍ വളകളും ഇട്ടിട്ടുണ്ടായിരുന്നു. അതേസമയം ഒരു സമ്പന്ന കുടുംബത്തിലെ അംഗമായ ഭാവി ഭര്‍ത്താവ് വിവാഹത്തിന് തനിക്കു നല്‍കിയ സമ്മാനമാണിത് എന്നായിരുന്നു യുവതിയുടെ വിശദീകരണം