മാഞ്ചസ്റ്റർ: നിലവിൽ ഇറ്റാലിയൻ ക്ലബായ യുവന്റസിൽ കളിച്ചു കൊണ്ടിരിക്കുന്ന സൂപ്പർ താരം ക്രിസ്റ്റ്യാനോ റൊണാൾഡോ തന്റെ പഴയ തട്ടകമായ മാഞ്ചസ്റ്റർ യുണൈറ്റഡിൽ തിരിച്ചെത്തി. ക്രിസ്റ്റ്യാനോയുമായി യുണൈറ്റഡ് കരാറിലെത്തി. പോർച്ചുഗൽ താരവുമായി രണ്ടു വർഷത്തേക്കുള്ള കരാറാണ് യുണൈറ്റഡ് ഒപ്പുവച്ചിരിക്കുന്നത്. വൈകാതെ ലിസ്ബണിൽ ക്രിസ്റ്റ്യാനോ മെഡിക്കൽ പരിശോധനയ്ക്കു വിധേയനാകും.
വീട്ടിലേക്ക് സ്വാഗതമെന്ന് യുണൈറ്റഡ് ട്വീറ്റ് ചെയ്തു. 2003 മുതല് 2009 വരെ യുണൈറ്റഡിനായി 292 മത്സരങ്ങളില് കളിച്ച റൊണാള്ഡോ 118 ഗോളുകള് നേടിയിട്ടുണ്ട്. റൊണാള്ഡോയെ വരവേല്ക്കാന് ക്ലബ്ബിലെ എല്ലാവരും ഒരുങ്ങിക്കഴിഞ്ഞുവെന്ന് യുണൈറ്റഡ് വാര്ത്താക്കുറിപ്പില് അറിയിച്ചു. ഒരു വ്യാഴവട്ടത്തിനു ശേഷമാണ് പോർച്ചുഗൽ സൂപ്പർ താരം യുണൈറ്റഡിൽ മടങ്ങിയെത്തുന്നത്. 12 വർഷം മുൻപ് യുണൈറ്റഡ് വിട്ട ക്രിസ്റ്റ്യാനോ റയൽ മാഡ്രിഡിലും യുവന്റസിലും പന്ത് തട്ടി.
ഇറ്റാലിയൻ ലീഗിലെ ആദ്യ മത്സരത്തിൽ ആദ്യ ഇലവനിൽ ഉൾപ്പെടുത്താത്തതിൽ റൊണാൾഡോ അതൃപ്തനെന്ന് റിപ്പോർട്ടുണ്ടായിരുന്നു. നേരത്തെ പിഎസ്ജിയിലേക്ക് താരം ചേക്കേറുന്നുവെന്ന് വാർത്ത പ്രചരിച്ചിരുന്നു. എന്തായാലും ഒടുവിൽ മാഞ്ചസ്റ്റർ ആരാധകരെ ആഹ്ളാദത്തിലാക്കി ക്രിസ്ത്യാനോ തന്റെ പഴയ തട്ടകത്തിലേക്ക് തന്നെ മടങ്ങിയെത്തി
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona