ദില്ലി : കോണ്ഗ്രസിന്റെ അഞ്ചാമത് സ്ഥാനാര്ത്ഥി പട്ടിക പുറത്തിറക്കി. ആന്ധ്രപ്രദേശ്, അസം, ഒഡീഷ, തെലങ്കാന, യുപി, പശ്ചിമബംഗാള് , തുടങ്ങിയ സംസ്ഥാനങ്ങളിലെ 56 സ്ഥാനാര്ത്ഥികളെയാണ് പ്രഖ്യാപിച്ചത്. ലക്ഷദ്വീപില് മുന് എംപി ഹമദുള്ള സയീദ് മത്സരിക്കും.
സിപിഎം സിറ്റിംഗ് സീറ്റുകളായ റായ്ഗഞ്ചിലും മുര്ഷിദാബാദിലും കോണ്ഗ്രസ് സ്ഥാനാര്ത്ഥികളെ പ്രഖ്യാപിച്ചു. റായ്ഗഞ്ചില് ദീപാദാസ് മുന്ഷിയും മുര്ഷിദാബാദില് അബു ഹേനയും സ്ഥാനാര്ത്ഥികളാകും.
അതേസമയം തെരഞ്ഞെടുപ്പ് അടുത്തിരിക്കേ തെലങ്കാനയില് കോണ്ഗ്രസില് നിന്ന് കൊഴിഞ്ഞുപോക്ക് തുടരുകയാണ്. എട്ടുമാസത്തിനുള്ളില് ആകെയുള്ള 19 എംഎല്എമാരില് എട്ട് പേരും മൂന്നു മാസത്തിനുള്ളില് പാര്ട്ടി വിട്ടു. കോത്തഗുഡം എംഎല്എ വനമ വെങ്കട്ടേശ്വര റാവുവാണ് ഏറ്റവും ഒടുവില് പാര്ട്ടി വിട്ട് ടിആര്എസ്സില് ചേര്ന്നത്. ആവശ്യമെങ്കില് എംഎല്എ സ്ഥാനവും രാജിവെക്കുമെന്നും അദ്ദേഹം പറഞ്ഞു.
119 അംഗ സഭയില് കോണ്ഗ്രസിന് 19 അംഗങ്ങളാണുണ്ടായിരുന്നത്. ഇത് മൂന്നു മാസം കൊണ്ട് 11 ആയി ചുരുങ്ങി. ലോക്സഭാ തിരഞ്ഞെടുപ്പിന് ഒരുങ്ങുന്ന കോണ്ഗ്രസിന് കനത്ത തിരിച്ചടിയായിരിക്കുകയാണ് എംഎല്എമാരുടെ കൊഴിഞ്ഞുപോക്ക്. ഇതോടുകൂടി പ്രധാന പ്രതിപക്ഷമെന്ന പദവിയും കോണ്ഗ്രസിന് നഷ്ടമാകുന്ന സ്ഥിതിയാണ്.
പ്രതിപക്ഷ പദവി നിലനിര്ത്തണമെങ്കില് 12 എംഎല്എമാര് എങ്കിലും വേണം. നാല് എംഎല്എമാര് കൂടി ടിആര്എസ് നേതൃത്വവുമായി ബന്ധപ്പെട്ട് വരുകയാണ്. വിമത എംഎല്എമാര് കോണ്ഗ്രസ് നിയമസഭാ കക്ഷി ടിആര്എസില് ലയിക്കുന്നത് അംഗീകരിക്കണമെന്ന് ആവശ്യപ്പെട്ട് സ്പീക്കര്ക്ക് നല്കാനും നീക്കമുണ്ട്. മൂന്നില് രണ്ട് എംഎല്എമാര് മറുകണ്ടം ചാടിയാല് കൂറുമാറ്റം ബാധകമാകില്ല.
കനത്ത ചൂടിനെത്തുടർന്ന് സംസ്ഥാനത്ത് കുതിച്ചുയരുന്ന വൈദ്യുതി ഉപഭോഗം നിയന്ത്രിക്കാൻ മാർഗ നിർദേശങ്ങളുമായി കെഎസ്ഇബി. രാത്രി 9 മണി കഴിഞ്ഞാൽ അലങ്കാര…
ഒരു രക്തഹാരം ഞാന് അണിയിക്കുന്നു, കുട്ടിയൊരു രക്തഹാരം ഇങ്ങോട്ടണിയിക്കുന്നു..പിന്നെയൊരു ഗ്ളാസ് നാരങ്ങാവെള്ളം… ഈ രീതിയില് നടത്തുന്നതൊന്നും ഹിന്ദു വിവാഹമായി കാണാനാവില്ല.…
തിരുവനന്തപുരം : ലോക്സഭാ തെരഞ്ഞെടുപ്പുമായി ബന്ധപ്പെട്ട് ജില്ലയിൽ മികച്ച പ്രവർത്തനം കാഴ്ച വെച്ച വിവിധ നോഡൽ ഓഫീസർമാരെയും അസിസ്റ്റന്റ് നോഡൽ…
ദില്ലി : ഉത്തര്പ്രദേശിലെ റായ്ബറേലി മണ്ഡലത്തില് രാഹുല് ഗാന്ധി നാമനിര്ദേശപത്രിക സമര്പ്പിച്ചു. വരണാധികാരിയായ ജില്ലാ മജിസ്ട്രേറ്റിന്റെ ഓഫീസിലെത്തിയാണ് രാഹുൽഗാന്ധി നാമനിര്ദേശപത്രിക…