പാർട്ടിയുടെ ഭാവി നാളെയറിയാം: വൻ പരാജയത്തിന് പിന്നാലെ കോൺഗ്രസ് പ്രവർത്തക സമിതി യോഗം നാളെ; സംഘടന തെരഞ്ഞെടുപ്പ് നേരത്തെയാക്കിയേക്കും

ദില്ലി: നാല് സംസ്ഥാനങ്ങളിൽ നടന്ന നിയമസഭാ തിരഞ്ഞെടുപ്പിൽ കടുത്ത തോൽവി ഏറ്റുവാങ്ങിയതിനു പിന്നാലെ പ്രവർത്തക സമിതി യോഗം ചേരാൻ കോൺഗ്രസ്. നാളെ വൈകീട്ട് നാലിനാണ് യോഗം ചേരുക. യാഫെത്തിൽ രാഷ്‌ട്രീയ ലോകം ഉറ്റുനോക്കിയ ഉത്തർപ്രദേശിലെയുൾപ്പടെ അഞ്ച് സംസ്ഥാനങ്ങളിലെ കോൺഗ്രസിന്റെ ദയനീയ പ്രകടനം പാർട്ടി നേതൃത്വം ചർച്ച ചെയ്യും.

സെപ്റ്റംബറിൽ നിശ്ചയിച്ച സംഘടന തെരഞ്ഞെടുപ്പ് നേരത്തെയാക്കിയേക്കുമെന്നും സൂചനകളുണ്ട്. കോൺഗ്രസ് ഉൾപ്പടെ പ്രതിപക്ഷ പാർട്ടികളാകെ അപ്രസക്‌തമായി മാറുന്ന സൂചന നൽകിയ അഞ്ച് സംസ്ഥാനങ്ങളിലെ തിരഞ്ഞെടുപ്പിൽ പാർട്ടിക്ക് സംഭവിച്ച തകർച്ചയെ നാളെ നടക്കുന്ന കോൺഗ്രസ് പ്രവർത്തക സമിതി യോഗത്തിൽ ചർച്ചചെയ്യും.

അതേസമയം നിയമസഭ തെരഞ്ഞെടുപ്പിലെ തകർച്ചയോടെ പാർട്ടി പുതിയ പ്രതിസന്ധി നേരിടുകയാണ്. ഇതേതുടർന്ന് തിരുത്തൽവാദി നേതാക്കൾ നേതൃത്വത്തിനെതിരെ കലാപക്കൊടി ഉയർത്തിയിട്ടുണ്ട്. കഴിഞ്ഞ ദിവസം ഗുലാംനബി ആസാദ്, കപിൽ സിബൽ, ആനന്ദ് ശർമ എന്നിവർ ഗുലാംനബിയുടെ വീട്ടിൽ കൂടിക്കാഴ്ച നടത്തിയിരുന്നു. സമിതി യോഗത്തിൽ സംഘടന തെരഞ്ഞെടുപ്പ് വേഗത്തിൽ പൂർത്തിയാക്കൽ, പാർട്ടിയിലെ സമഗ്ര അഴിച്ചുപണി, തുടങ്ങിയ കാര്യങ്ങൾ നേതാക്കൾ പ്രവർത്തക ആവശ്യപ്പെടും.