കോവിഡ് വ്യാപനവും, യാത്രാ നിയന്ത്രണങ്ങളും; നാളെ നടത്താനിരുന്ന ബിടെക് മൂന്നാം സെമസ്റ്റര്‍ റഗുലര്‍ പരീക്ഷകള്‍ മാറ്റിവച്ചു

തിരുവനന്തപുരം:കോവിഡിന്റെ ലോക്ഡൗണും അനുബന്ധ യാത്രാ നിയന്ത്രണങ്ങളും കണക്കിലെടുത്ത് സംസ്ഥാനത്ത് നാളെ നടത്താനിരുന്ന ബിടെക് മൂന്നാം സെമസ്റ്റര്‍ റഗുലര്‍ പരീക്ഷകള്‍ മാറ്റിവച്ചു. പുതുക്കിയ തീയതി ഉടന്‍ പ്രസിദ്ധീകരിക്കുന്നതായിരിക്കുമെന്ന് അധികൃതർ അറിയിച്ചു.

അതേസമയം ബിടെക് ആറാം സെമസ്റ്റര്‍ ഹോണേഴ്സ് പരീക്ഷാ ഫലം പ്രസിദ്ധീകരിച്ചു. പരീക്ഷാ ഫലം യൂണിവേഴ്സിറ്റി വെബ്‌സൈറ്റിലെ ‘ഫലങ്ങള്‍’ എന്ന ടാബിലും വിദ്യാർത്ഥികളുടെ പോര്‍ട്ടല്‍ ലോഗിനിലും ലഭ്യമാണ്.

മാത്രമല്ല ഉത്തര കടലാസിന്റെ പകര്‍പ്പിനും പുനര്‍മൂല്യനിര്‍ണയത്തിനുമുള്ള അപേക്ഷ ജൂലൈ 28നകം വിദ്യാര്‍ത്ഥികളുടെ ലോഗിന്‍ വഴി സമര്‍പ്പിക്കാം. ഉത്തര കടലാസിന്റെ പകര്‍പ്പിനുള്ള ഫീസ് 500 രൂപയും പുനര്‍മൂല്യനിര്‍ണയത്തിനുള്ള ഫീസ് 600 രൂപയുമാണ്.

ജൂലൈ 27 ന് നടക്കുന്ന പിഎച്ച്‌ഡി പ്രവേശന പരീക്ഷ എഴുതുന്ന വിദ്യാര്‍ത്ഥികള്‍ക്ക് അഡ്മിറ്റ് കാര്‍ഡ് പോര്‍ട്ടല്‍ വഴി ഡൗണ്‍ലോഡ് ചെയ്യാമെന്നും അറിയിപ്പ് വന്നിട്ടുണ്ട്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona