സൈബര് ആക്രമണത്തെ പരിഹസിച്ച് യു പ്രതിഭ എംഎല്എ:
വിടാതെ സൈബര് ആക്രമണം
കണ്ണൂര്: ആരോഗ്യമന്ത്രി കെ.കെ. ശൈലജയുടെ പോസ്റ്റിനു കീഴെ കായംകുളം താലൂക്ക് ആശുപത്രി വികസനം സംബന്ധിച്ച ആവശ്യമുന്നയിച്ചതിനെത്തുടര്ന്നു പ്രതിഭ എംഎല്എക്ക് എതിരെ തുടങ്ങിയ സൈബര് ആക്രമണം തുടരുന്നു. ‘കിഫ്ബിയില് ഉള്പ്പെടുത്തിയെങ്കിലും പണം അനുവദിക്കാത്തതിനാല് പദ്ധതി നടപ്പായില്ലെന്നും ഞങ്ങളെപ്പോലുള്ള എംഎല്എമാര് ഒന്നും ചെയ്യാഞ്ഞിട്ടാണ് ആശുപത്രി വികസനം നടക്കാത്തത് എന്ന രീതിയിലുള്ള പ്രചാരണം വേദനയുണ്ടാക്കുന്നുവെന്നും ഞങ്ങള്ക്കും ടീച്ചറില്നിന്ന് അഭിനന്ദനം കിട്ടാന് ആഗ്രഹമുണ്ട്’ എന്നുമുള്ള വരികളാണ് സൈബര് സഖാക്കളെ പ്രകോപിപ്പിച്ചത്.
ആര്ദ്രം പദ്ധതിയുമായി ബന്ധപ്പെട്ടു കാത്ത് ലാബ് അനുവദിച്ചതു സംബന്ധിച്ച പോസ്റ്റിലായിരുന്നു പ്രതിഭയുടെ കമന്റ്. ആരോഗ്യമന്ത്രിയെ അഭിനന്ദിച്ചുള്ള കമന്റുകളുടെ പ്രവാഹം തടഞ്ഞ ഈ കമന്റ് സൈബര് പോരാളികളെ കുറച്ചൊന്നുമല്ല പ്രകോപിപ്പിച്ചതെന്ന് പിന്നീടുള്ള പ്രതിഭയുടെ പോസ്റ്റുകള് നോക്കിയാല് വ്യക്തം.
‘അതേ എംഎല്എ സാറേ ഞങ്ങള് സൈബര് ഗുണ്ടകള് തന്നെയാണ്.. ഈ പ്രസ്ഥാനത്തെ ആക്രമിക്കാന് വരുന്നവനെ പ്രതിരോധിച്ചതിന്റെ പേരില് ഞങ്ങള്ക്കു കിട്ടിയ അപരനാമം.
എംഎല്എ സാറെ ഈ ഗുണ്ടകള് കഴിഞ്ഞ നിയമസഭാ ഇലക്ഷനില് കായംകുളം മണ്ഡലത്തില് നിങ്ങള്ക്ക് വേണ്ടിയും ശബ്ദിച്ചിരുന്നു… ഇപ്പോ അവരോടു പുച്ഛം തോന്നും നിങ്ങള്ക്ക്..
നിങ്ങളില് അഭിമാനമായിരുന്നു. നിങ്ങളുടെ നിയമസഭ പ്രസംഗം കേട്ട് ഒരുപാട് ആവേശം കൊണ്ടിരുന്നു..
ഒരു കാര്യം ഓര്മപ്പെടുത്തുന്നു. എംഎല്എ ആയാലും മന്ത്രി ആയാലും ആയിരങ്ങള് ചോര കൊടുത്ത ഈ പ്രസ്ഥാനത്തെ കരിവാരി തേച്ചാല് അതു കയ്യും കെട്ടി നോക്കിയിരിക്കാന് നിങ്ങള് പറഞ്ഞ ആ ഗുണ്ടകള് തയാറല്ല കേട്ടോ..
പുച്ഛം തോന്നുന്നു നിങ്ങളോടു സ്വന്തം നിലപാട് പറയാന് പോലും ലിപ്റ്റിക്ക് പുരട്ടിയ ഫോട്ടോ ഇടേണ്ട ഗതികേട് നോക്കൂ… ‘ പ്രതിഭയെ പുച്ഛിച്ചുകൊണ്ടുള്ള ഈ കമന്റ് പലതവണ പോസ്റ്റ് ചെയ്താണു സൈബര് പോരാളികള് മറുപടികൊടുത്തത്.
എന്നാല് ‘ഇതെന്തു സ്ക്രിപ്റ്റ്, മാറ്റിയെഴുതൂ’ എന്ന് പ്രതിഭയും പരിഹസിച്ചു.
‘ഇന്നലെ വരെ ലൈക്ക് ചെയ്ത കോണ്ഗ്രസ് പ്രവര്ത്തകരോ ലീഗ് പ്രവര്ത്തകരോ സംഘികളോ ഇന്നു നിങ്ങള്ക്ക് ഈ പോസ്റ്റില് പ്രോത്സാഹനം തരില്ല എന്നറിഞ്ഞു കൊണ്ട് തന്നെ ഇന്ന് ഒരു സൈബര് സഖാവായ ഞാന് ഈ പോസ്റ്റിന് ലൈക്കും കമന്റും തരുന്നു. അഭിവാദ്യങ്ങള് ‘ – ഇതാണ് പ്രതിഭയ്ക്കുള്ള പുതിയ മറുപടി
ന്യൂയോർക്കിലെ ക്വീൻസിലുള്ള സിനഗോഗിന് പുറത്ത് നടന്ന പ്രതിഷേധ പ്രകടനത്തിനിടെ ഹമാസിനെ അനുകൂലിച്ച് മുദ്രാവാക്യങ്ങൾ ഉയർന്ന സംഭവത്തെ അപലപിച്ച് മേയർ സോഹ്റാൻ…
മിസിസിപ്പി: അമേരിക്കയിലെ മിസിസിപ്പിയിലുള്ള ക്ലേ കൗണ്ടിയിലുണ്ടായ വെടിവെപ്പിൽ ആറുപേർ കൊല്ലപ്പെട്ടു. മൂന്ന് വ്യത്യസ്ത സ്ഥലങ്ങളിലായാണ് ആക്രമണം നടന്നതെന്ന് പ്രാദേശിക മാദ്ധ്യമങ്ങൾ…
സമൂഹ മാദ്ധ്യമമായ ഇൻസ്റ്റഗ്രാമിലെ 1.75 കോടി ഉപഭോക്താക്കളുടെ വിവരങ്ങൾ ചോർന്നുവെന്ന് സൈബർ സുരക്ഷാ കമ്പനിയായ മാൽവെയർബൈറ്റ്സ്. ഈ വിവരങ്ങൾ ഡാർക്ക്…
അടൂര് പ്രകാശും ആന്റോ ആന്റണിയും ഉണ്ണികൃഷ്ണന് പോറ്റിയും വ്യവസായിയുമായി സോണിയ ഗാന്ധിയെ കണ്ടത് ശബരിമലയിലെ സ്വര്ണ്ണത്തിന് മാര്ക്കറ്റ് കണ്ടെത്താനാണെന്ന് ബിജെപി…
തിരുവനന്തപുരം : ശബരിമല സ്വര്ണ്ണക്കൊള്ളയ്ക്ക് പിന്നില് സിപിഎം- കോണ്ഗ്രസ് കുറുവാ സംഘമാണെന്ന ഗുരുതരാരോപണവുമായി ബിജെപി സംസ്ഥാന അദ്ധ്യക്ഷന് രാജീവ് ചന്ദ്രശേഖര്.…
അയോദ്ധ്യ ശ്രീരാമക്ഷേത്ര സമുച്ചയത്തിനുള്ളിൽ നുഴഞ്ഞുകയറി നിസ്കരിക്കാൻ ശ്രമിച്ച കശ്മീർ സ്വദേശിയെ സുരക്ഷാ ഉദ്യോഗസ്ഥർ പിടികൂടി. കശ്മീരിലെ ഷോപ്പിയാൻ ജില്ലയിൽ നിന്നുള്ള…