സ്ത്രീസുരക്ഷയ്ക്കും സ്വയംതൊഴിലിനും ദില്ലി സര്‍ക്കാരിന്റെ മാതൃകാ പദ്ധതി.
ദില്ലിയിലെ യാത്രക്കാര്‍ക്ക് റൈഡ്-ഹെയ്ലിംഗ് ആപ്പുകള്‍ വഴി പിങ്ക് ഇലക്ട്രിക് ഓട്ടോകള്‍ ബുക്ക് ചെയ്യാന്‍ ഉടന്‍ അവസരമൊരുങ്ങും. ഈ പ്ലാറ്റ്ഫോമുകളില്‍ ഡ്രൈവര്‍മാര്‍ക്ക് ഓണ്‍ബോര്‍ഡിംഗ്, സബ്സ്‌ക്രിപ്ഷന്‍ ഫീസുകള്‍ ഒന്നും ഈടാക്കാതെ വനിതാ, ട്രാന്‍സ്ജെന്‍ഡര്‍ ഡ്രൈവര്‍മാരെ ഉള്‍പ്പെടുത്താനാണ് സര്‍ക്കാര്‍ പദ്ധതിയിടുന്നത്.
തങ്ങളുടെ ‘ദുര്‍ഗ്ഗാ ഇ-ഓട്ടോ പദ്ധതി’ (DURGA E-Auto Scheme) പ്രകാരം തിരഞ്ഞെടുക്കപ്പെടുന്ന ഡ്രൈവര്‍മാരില്‍ നിന്ന് ഇത്തരം ഫീസുകള്‍ ഒഴിവാക്കാന്‍ റൈഡ്-ഹെയ്ലിംഗ് കമ്പനികളോട് ആവശ്യപ്പെടുമെന്ന് ഡല്‍ഹി സര്‍ക്കാര്‍ ഞായറാഴ്ച അറിയിച്ചു. ഈ 1,300 ഇലക്ട്രിക് ഓട്ടോറിക്ഷകള്‍ തങ്ങളുടെ പ്ലാറ്റ്ഫോമുകളില്‍ ലിസ്റ്റ് ചെയ്യാന്‍ കമ്പനികള്‍ തയാറായാല്‍, യാത്രക്കാര്‍ക്ക് റോഡരികിലോ ഓട്ടോ സ്റ്റാന്‍ഡുകളിലോ അന്വേഷിച്ചു നടക്കാതെ ഫോണ്‍ വഴി തന്നെ ഓട്ടോ ബുക്ക് ചെയ്യാനാകും.
പ്രത്യേകിച്ച് അതിരാവിലെയും രാത്രി വൈകിയും മെട്രോ സ്റ്റേഷനുകളിലേക്ക് യാത്ര ചെയ്യുന്ന സ്ത്രീകള്‍ക്ക്, അവസാന ഘട്ട യാത്ര കൂടുതല്‍ സുരക്ഷിതവും സൗകര്യപ്രദവുമാക്കുക എന്നതാണ് ഈ പദ്ധതിയുടെ ലക്ഷ്യം. മെട്രോ സ്റ്റേഷനുകളില്‍ നിന്ന് വീടുകളിലേക്കോ ഓഫീസുകളിലേക്കോ ഉള്ള യാത്രക്കാര്‍ക്ക് മറ്റൊരു യാത്രാ മാര്‍ഗ്ഗം കൂടി നല്‍കാനാണ് സര്‍ക്കാര്‍ ഇതിലൂടെ ലക്ഷ്യമിടുന്നത്. മെട്രോ, നമോ ഭാരത് സ്റ്റേഷനുകളില്‍ പ്രത്യേക പാര്‍ക്കിംഗും ചാര്‍ജിംഗ് സൗകര്യങ്ങളും അനുവദിക്കണമെന്ന് ട്രാന്‍സ്പോര്‍ട്ട് വകുപ്പ് ഡല്‍ഹി മെട്രോ റെയില്‍ കോര്‍പ്പറേഷനോടും (DMRC) നാഷണല്‍ ക്യാപിറ്റല്‍ റീജിയന്‍ ട്രാന്‍സ്പോര്‍ട്ട് കോര്‍പ്പറേഷനോടും (NCRTC) ആവശ്യപ്പെട്ടിട്ടുണ്ട്.
മുഖ്യമന്ത്രി രേഖ ഗുപ്തയുടെ നേതൃത്വത്തിലുള്ള ദില്ലി മന്ത്രിസഭ സെപ്റ്റംബര്‍ 23-നാണ് ദുര്‍ഗ്ഗാ പദ്ധതിക്ക് അനുമതി നല്‍കിയത്. ആദ്യ ഘട്ടത്തില്‍ അനുവദിക്കുന്ന 1,300 വാഹനങ്ങളില്‍ 1170 എണ്ണം സ്ത്രീകള്‍ക്കും 130 എണ്ണം ട്രാന്‍സ്ജെന്‍ഡര്‍ വ്യക്തികള്‍ക്കുമായി സംവരണം ചെയ്തിരിക്കുന്നു. ഇവര്‍ക്ക് സ്വന്തമായി ഓട്ടോകള്‍ ഓടിച്ച് ഉപജീവനം കണ്ടെത്താം. ദില്ലിയിലെ 13 റവന്യൂ ജില്ലകളിലായി ഈ വാഹനങ്ങള്‍ വിതരണം ചെയ്യും. ഓരോ ജില്ലയിലും സ്ത്രീകള്‍ക്ക് പരമാവധി 90 ഓട്ടോകളും ട്രാന്‍സ്ജെന്‍ഡര്‍ അപേക്ഷകര്‍ക്ക് 10 ഓട്ടോകളും വീതം ലഭിക്കും.
നാഷണല്‍ ഇന്‍ഫോമാറ്റിക്‌സ് സെന്റര്‍ (NIC) തയാറാക്കിയ ഓണ്‍ലൈന്‍ പോര്‍ട്ടല്‍ വഴിയാണ് അപേക്ഷകള്‍ സ്വീകരിക്കുക. ജില്ലാ മജിസ്ട്രേറ്റുമാരുടെ നേതൃത്വത്തിലുള്ള ജില്ലാതല സമിതികള്‍ അപേക്ഷകള്‍ പരിശോധിച്ച് എല്ലാ ആഴ്ചയും വെരിഫിക്കേഷന്‍ നടക്കും. അര്‍ഹരായ അപേക്ഷകര്‍ ജില്ലയിലെ ലഭ്യമായ സ്ലോട്ടുകളേക്കാള്‍ കൂടുതലാണെങ്കില്‍ ഓണ്‍ലൈന്‍ നറുക്കെടുപ്പിലൂടെയായിരിക്കും അലോട്ട്‌മെന്റ് തീരുമാനിക്കുക. തിരഞ്ഞെടുക്കപ്പെടുന്നവര്‍ക്ക് ലെറ്റര്‍ ഓഫ് ഇന്‍ഡന്റും, രജിസ്റ്റര്‍ ചെയ്ത ഉടമകള്‍ക്ക് ഐഡന്റിറ്റി കാര്‍ഡുകള്‍, ദുര്‍ഗ്ഗാ ജാക്കറ്റുകള്‍, തൊപ്പികള്‍ എന്നിവയും നല്‍കും.
ഡല്‍ഹിയുടെ ഇവി പോളിസി 2026 പ്രകാരം ഗുണഭോക്താക്കള്‍ക്ക് വാങ്ങല്‍ ആനുകൂല്യങ്ങളും ലഭിക്കും. ആദ്യ വര്‍ഷം രജിസ്റ്റര്‍ ചെയ്യുന്ന അര്‍ഹരായ ഇലക്ട്രിക് ഓട്ടോകള്‍ക്ക് നിബന്ധനകള്‍ക്ക് വിധേയമായി 50,000 രൂപ ലഭിക്കും. ഓരോ ഗുണഭോക്താവും വാഹനത്തിനായി ആകെ എത്ര തുക നല്‍കേണ്ടിവരുമെന്ന് സര്‍ക്കാര്‍ വ്യക്തമാക്കിയിട്ടില്ല. ഗുണഭോക്താക്കളുടെ വരുമാനത്തിലും ജീവിത സാഹചര്യത്തിലും പദ്ധതി ഉണ്ടാക്കുന്ന സ്വാധീനം വിലയിരുത്തുന്നതിനായി സര്‍ക്കാര്‍ രണ്ട് ഘട്ടങ്ങളുള്ള പഠനവും പദ്ധതിയിടുന്നുണ്ട്.
ശബരിമല ദർശനത്തിന് കാത്തിരിക്കുന്ന അയ്യപ്പഭക്തർക്ക് ആശ്വാസം; വെർച്വൽ ക്യൂ ബുക്കിംഗ് ഒക്ടോബർ 29 മുതൽ ആരംഭിക്കുന്നു! മണ്ഡല-മകരവിളക്ക് മഹോത്സവത്തിനായി കാത്തിരിക്കുന്ന…
കേരള പോലീസിൽ കുറ്റാന്വേഷണ മികവിലൂടെയും ആത്മാർത്ഥതയിലൂടെയും ശ്രദ്ധേയനായ വിജിലൻസ് ആൻഡ് ആന്റി കറപ്ഷൻ ബ്യൂറോ മരുതുംകുഴി ഇൻസ്പെക്ടർ ബിനീഷ് ലാൽ…
അരുണാചൽ: സോഷ്യൽ മീഡിയയിലൂടെ പ്രചരിക്കുന്ന എല്ലാ ദൃശ്യങ്ങളും വിശ്വസനീയമാണോ? രാജ്യത്തിന്റെ അതിർത്തി സുരക്ഷയുമായി ബന്ധപ്പെട്ട വിവരങ്ങൾ പോലും വ്യാജമായി നിർമ്മിച്ച്…
ഇസ്രായേൽ പൊതുതിരഞ്ഞെടുപ്പിന് മണിക്കൂറുകൾ മാത്രം ബാക്കിനിൽക്കെ, രാജ്യത്തിന്റെ പരമപ്രധാനമായ സുരക്ഷാ ഭീഷണികളെക്കുറിച്ച് പൗരന്മാരെ ബോധവൽക്കരിക്കുന്നതിനായി വിട്ടുവീഴ്ചയില്ലാത്ത നിലപാടുമായി പ്രധാനമന്ത്രി ബെഞ്ചമിൻ…
ഭാരതത്തിന്റെ അതിവേഗം വളരുന്ന ഡിജിറ്റൽ സാമ്പത്തിക മേഖലയെയും ബാങ്കിംഗ് സംവിധാനങ്ങളെയും അത്യാധുനിക രീതിയിൽ സുരക്ഷിതമാക്കാൻ ചരിത്രപരമായ ചുവടുവെപ്പുമായി കേന്ദ്ര സർക്കാർ.…
ബ്രസീൽ : ഡൊണാൾഡ് ട്രമ്പിന്റെയും വിദേശ തന്ത്രങ്ങളെ തകർത്തെറിഞ്ഞ് ലൂയിസ് ഇനാസിയോ ലുല ഡാ സിൽവ നേടിയ ചരിത്ര വിജയം.…