പ്രതീകാത്മക ചിത്രം
മാദ്ധ്യമലോകത്തെ ഞെട്ടിച്ച് അമേരിക്കയിലെ പ്രമുഖ പത്രമായ വാഷിംഗ്ടൺ പോസ്റ്റിൽ അപ്രതീക്ഷിത കൂട്ടപ്പിരിച്ചുവിടൽ. പത്രത്തിലെ എഡിറ്റോറിയൽ വിഭാഗത്തിന്റെ മൂന്നിലൊന്ന് ഭാഗത്തോളം വരുന്ന മുന്നൂറിലധികം മാദ്ധ്യമപ്രവർത്തകരെയും മറ്റ് ജീവനക്കാരെയുമാണ് കഴിഞ്ഞ ദിവസം കൊണ്ട് പുറത്താക്കിയത്. ഇതിൽ കോൺഗ്രസ് എംപി ശശി തരൂരിന്റെ മകനും പത്രത്തിലെ മുതിർന്ന ഇന്റർനാഷണൽ അഫയേഴ്‌സ് കോളമിസ്റ്റുമായ ഇഷാൻ തരൂരും ഉൾപ്പെടുന്നു. പത്രത്തിന്റെ സ്പോർട്സ് ഡെസ്ക് പൂർണ്ണമായും നിർത്തലാക്കുകയും വിദേശ ബ്യൂറോകൾ പലതും അടച്ചുപൂട്ടുകയും ചെയ്തുകൊണ്ടുള്ള ഈ നീക്കം പത്രത്തിന്റെ ചരിത്രത്തിലെ തന്നെ ഏറ്റവും വലിയ വെട്ടിക്കുറയ്ക്കലായാണ് വിലയിരുത്തപ്പെടുന്നത്.
ജോലി നഷ്ടപ്പെട്ട മാദ്ധ്യമപ്രവർത്തകർ സോഷ്യൽ മീഡിയയിലൂടെ തങ്ങളുടെ സങ്കടവും രോഷവും പങ്കുവെച്ചു. “ഇതൊരു മോശം ദിവസമാണ്” എന്ന് കുറിച്ചുകൊണ്ട് ഇഷാൻ തരൂർ പങ്കുവെച്ച വാർത്താമുറിയുടെ ചിത്രം വലിയ ചർച്ചയായിട്ടുണ്ട്. പത്രത്തിന്റെ ആപ്തവാക്യമായ “ജനാധിപത്യം ഇരുട്ടിൽ മരിക്കുന്നു” (Democracy Dies in Darkness) എന്ന പോസ്റ്ററിന് മുന്നിൽ ഒഴിഞ്ഞുകിടക്കുന്ന കസേരകളുടെ ദൃശ്യമായിരുന്നു ഇത്. തന്റെ 12 വർഷത്തെ സേവനം അവസാനിച്ചതിൽ അതിയായ സങ്കടമുണ്ടെന്നും യുക്രെയ്ൻ, മിഡിൽ ഈസ്റ്റ് തുടങ്ങിയ സംഘർഷമേഖലകളിൽ നിന്ന് റിപ്പോർട്ട് ചെയ്തിരുന്ന പ്രതിഭകളായ സുഹൃത്തുക്കളെയും സഹപ്രവർത്തകരെയും പിരിച്ചുവിട്ടതിൽ തകർന്നുപോയെന്നും അദ്ദേഹം കുറിച്ചു. ശശി തരൂർ ഈ പോസ്റ്റ് എക്സ് (X) പ്ലാറ്റ്‌ഫോമിൽ പങ്കുവെക്കുകയും ചെയ്തിട്ടുണ്ട്.
യുക്രെയ്ൻ യുദ്ധഭൂമിയിൽ നിന്ന് റിപ്പോർട്ട് ചെയ്യുന്നതിനിടയിൽ പുറത്താക്കപ്പെട്ട ലിസി ജോൺസൺ ഉൾപ്പെടെയുള്ളവരുടെ കുറിപ്പുകൾ മാദ്ധ്യമപ്രവർത്തനത്തിന്റെ ഭാവിയിൽ വലിയ ആശങ്കകൾ ഉയർത്തുന്നു. പത്രത്തിന്റെ ഉടമ ജെഫ് ബെസോസിന്റെ നിലപാടുകൾക്കെതിരെ മുൻ എക്സിക്യൂട്ടീവ് എഡിറ്റർ മാർട്ടി ബാരൻ രംഗത്തെത്തി. ലാഭമുണ്ടാക്കാനുള്ള ശ്രമങ്ങൾക്കിടയിൽ പത്രത്തിന്റെ വിശ്വാസ്യതയും ഗുണനിലവാരവും ബലികഴിക്കുകയാണെന്ന് അദ്ദേഹം കുറ്റപ്പെടുത്തി. ഡൊണാൾഡ് ട്രമ്പുമായുള്ള ഉടമയുടെ രാഷ്ട്രീയ ബന്ധങ്ങളും വായനക്കാരെ അകറ്റാൻ കാരണമായെന്ന് അദ്ദേഹം ആരോപിച്ചു. ഒരു കാലത്ത് അമേരിക്കൻ പത്രപ്രവർത്തനത്തിന്റെ അഭിമാനമായിരുന്ന വാഷിംഗ്ടൺ പോസ്റ്റിന്റെ ഈ തകർച്ച ആഗോള മാദ്ധ്യമ മേഖലയ്ക്ക് തന്നെ കനത്ത ആഘാതമാണ്.
തിരുവനന്തപുരം: സമരപ്പന്തൽ പൊളിച്ചുനീക്കിയാലും യുവാക്കളുടെ നീതിക്കുവേണ്ടിയുള്ള പോരാട്ടം അവസാനിപ്പിക്കാനാകില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ. സെക്രട്ടേറിയറ്റിന് മുന്നിൽ…
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…
പ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ ദീപാവലി പൊങ്കാല ഭക്തിനിർഭരമായി നടത്തുന്നതിനുള്ള മുന്നൊരുക്കങ്ങൾ ചർച്ച ചെയ്യുന്നതിനായുള്ള അവലോകന യോഗം നാളെ നടക്കും.…