കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസ് കെട്ടിച്ചമച്ചതാണെന്ന് ദിലീപ് കോടതിയിൽ. അന്വേഷണ ഉദ്യോഗസ്ഥരെ വധിക്കും എന്ന് ഗൂഡാലോചന ചെയ്തിട്ടില്ല എന്നും ശപിയ്ക്കുക മാത്രമാണ് ചെയ്തത് എന്നും ദിലീപ് (Dileep) കോടതിയില് പറഞ്ഞു. ബാലചന്ദ്രകുമാര് കെട്ടിയിറക്കിയ സാക്ഷിയാണ്. ബാലചന്ദ്രകുമാറിന്റെ അഭിമുഖം ആസൂത്രിതമാണ്. പറഞ്ഞു പഠിപ്പിച്ച രീതിയിലുള്ളതാണെന്നും ദിലീപിന്റെ അഭിഭാഷകന് ഹൈക്കോടതിയില് വ്യക്തമാക്കി.
ഒരാള് എവിടെയെങ്കിലും ഇരുന്ന് എന്തെങ്കിലും പറഞ്ഞാല് ഗൂഡാലോചന സ്വഭാവത്തിലേക്ക് വരുമോ എന്ന് കോടതി ചോദിച്ചു. കൂടാതെ കൃത്യം നടത്തിയാല് മാത്രമല്ലേ കൃത്യത്തിനുള്ള പ്രേരണ എന്നത് കുറ്റത്യമായി മാറുകയുള്ളൂ എന്നും കോടതി ആരാഞ്ഞു. ഗൂഢാലോചന അന്വേഷിക്കാന് പൊലീസിന് അധികാരമുണ്ട്. എന്നാല് അന്വേഷണത്തിന് കസ്റ്റഡി ആവശ്യമുണ്ടെന്ന് തോന്നുന്നില്ലെന്നും കോടതി വ്യക്തമാക്കി.
പൊതുജനമധ്യത്തിന് ദിലീപിനെതിരെ ജനരോഷം ഉണ്ടാക്കുന്നതിന്റെ ഭാഗമായുള്ള ശ്രമമാണ് നടക്കുന്നത്. കേസ് നീട്ടിക്കൊണ്ടുപോകാനുള്ള നീക്കത്തിന്റെ ഭാഗമാണ് പുതിയ കേസെന്നും പ്രതിഭാഗം അഭിഭാഷന് വാദിച്ചു.കേസില് വാദം തുടരുകയാണ്.
