കമ്മികളെ…സകല അഴിമതിയും നടത്തു,സകല ക്രൈമും നടത്തു, സ്വർഗ്ഗ രാജ്യം നിങ്ങൾക്കുള്ളതാണ് !

ഗെസ്റ്റ് ലക്ചറർ നിയമനത്തിനു വ്യാജ പ്രവൃത്തിപരിചയ സർട്ടിഫിക്കറ്റ് ഹാജരാക്കി കബളിപ്പിക്കാൻ ശ്രമിച്ചെന്ന കേസിൽ പ്രതിയായ എസ്എഫ്ഐ മുൻ നേതാവ് കെ.വിദ്യ ഹൈക്കോടതിയിൽ മുൻകൂർ ജാമ്യാപേക്ഷ നൽകിയിരുന്നു. ഹർജിക്കാരിയുടെ കരിയറും സൽപേരും തകർക്കാൻ ലക്ഷ്യമിട്ടുള്ള കേസാണെന്നും അവിവാഹിതയായ യുവതിയെ അന്യായമായി അറസ്റ്റ് ചെയ്തു തടങ്കലിൽ വയ്ക്കുന്നതു നീതിയെ പരിഹസിക്കുന്ന നടപടിയാകുമെന്നും വിദ്യ സമർപ്പിച്ച ഹർജിയിൽ പറയുന്നുണ്ട്. എന്നാൽ അവിവാഹിതയായ ഈ യുവതിയുടെ ജാമ്യാപേക്ഷ ഹർജിയിൽ നിരവധിപേരാണ് ഇപ്പോൾ പ്രതികരിച്ചുകൊണ്ട് രംഗത്തെത്തുന്നത്. അവിവാഹിതരേ ഇതിലേ ഇതിലേ, SFI DYFI CPIM ൽ ചേരു,
സകല അഴിമതിയും നടത്തു സകല Crime ഉം നടത്തു, സ്വർഗ്ഗ രാജ്യം നിങ്ങൾക്കുള്ളതല്ലേ എന്നാണ് സിപിഎം നേതാവിന്റെ മകളും ഡിസൈനറുമായ ആശ ലോറൻസ് ഫേസ്ബുക്കിലൂടെ പരിഹസിച്ചിരിക്കുന്നത്.

ബിഷപ്പ് ഫ്രാങ്കോ മുളയ്ക്കൽ ഉൾപ്പെടെ ഉള്ള എല്ലാ കേസിലെയും എല്ലാ അവിവാഹിതരായ പ്രതികളെയും, പ്രതിസ്ഥാനത്ത് നിൽക്കുന്നവരെയും വെറുതെ വിടേണ്ടതാണ്. കാരണം ഇവരെല്ലാം അവിവാഹിതരാണല്ലോ. വാഴ കുല കട്ട സഖാത്തി അവിവാഹിതയും ചെറുപ്പക്കാരിയും ആണ്, Mark list കേസിലെ വിദ്യാർത്ഥി പ്രസ്ഥാന നേതാവ് അവിവാഹിതനും ചെറുപ്പക്കാരനും ആണ്, Fake Experience Certificate Case ലെ കാൺമാനില്ലാത്ത പ്രതി അവിവാഹിതയും ചെറുപ്പക്കാരിയും ആണ്,മുൻ അംബാസിഡർ Srinivasan Sir നെ മുഖത്തടിച്ച് താഴെ വിഴ്ത്തിയ SFl നേതാവ് ചെറുപ്പക്കാരനും അവിവാഹിതനും ആയിരുന്നു, അപ്പോൾ പിന്നെ ഇവർക്കെതിരെയുള്ള എല്ലാ കേസുകളും പിൻവലിക്കണമെന്നാണ് ആശാ ലോറൻസ് പരിഹസിക്കുന്നത്. നിരവധി പേരാണ് പോസ്റ്റിനെ അനുകൂലിച്ചും പ്രതികൂലിച്ചും കൊണ്ട് ഇപ്പോൾ രംഗത്തെത്തുന്നത്. ലെ കഷായം ഗ്രീഷ്മ എന്തുകൊണ്ടീ പോയിന്റ് നേരത്തെ പറഞ്ഞില്ല എന്നാൽ അതിലൊരു കമന്റ്.

അതേസമയം,അട്ടപ്പാടി രാജീവ് ഗാന്ധി മെമ്മോറിയൽ ആർട്‌സ് കോളജിലെ മലയാളം ഗെസ്റ്റ് ലക്ചറർ തസ്തികയിൽ നിയമനം ലഭിക്കാൻ എറണാകുളം മഹാരാജാസ് കോളേജിന്റെ പേരിൽ വ്യാജ സർട്ടിഫിക്കറ്റ് ഹാജരാക്കിയെന്നാണ് വിദ്യയ്‌ക്കെതിരെയുള്ള കേസ്. അതേസമയം അന്വേഷണസംഘം ഇന്ന് അട്ടപ്പാടി കോളേജിലെത്തി പ്രിൻസിപ്പലിന്റെ മൊഴിയെടുക്കും. അഗളി സിഐ നേരിട്ടെത്തിയാകും മൊഴിയെടുക്കുന്നത്. ഇന്റർവ്യു ബോർഡിൽ ഉണ്ടായിരുന്നവരിൽ നിന്നും അന്വേഷണസംഘം വിവരം ശേഖരിക്കും. മഹാരാജാസ് കോളേജ് പ്രിൻസിപ്പളിന്റെ മൊഴിയും അന്വേഷണസംഘം ഇന്ന് രേഖപ്പെടുത്തുമെന്നാണ് വിവരം. അഗളി ഡിവൈഎസ്പിയാകും മൊഴി രേഖപ്പെടുത്തുന്നത്. വിദ്യ പിഎച്ച്ഡി ചെയ്യുന്ന കാലടി സർവ്വകലാശാലയിലും സിൻഡിക്കേറ്റ് ഉപസമിതി ഇന്ന് ഓൺലൈനായി യോഗം ചേരുന്നുണ്ട്. വിഷയത്തിൽ സ്വീകരിക്കേണ്ട തുടർ നടപടികൾ യോഗം ചർച്ച ചെയ്ത് തീരുമാനിക്കും.