ഇന്ത്യൻ യാത്ര വിജയകരമെന്ന് ട്രംപ്

ന്യൂയോർക്ക്: തൻറെ ഇന്ത്യൻ പര്യടനം വിജയകരമായിരുന്നെന്ന് അമേരിക്കൻ പ്രസിഡൻറ് ഡോണൾഡ് ട്രംപ്. രണ്ട് ദിവസത്തെ പര്യടനത്തിന് ശേഷം അമേരിക്കയിൽ തിരിച്ചെത്തിയതിന് പിന്നാലെ ട്വിറ്ററിലൂടെയാണ് ട്രംപ് ഇക്കാര്യം വ്യക്തമാക്കിയത്.

ചൊവ്വാഴ്ച രാത്രി പത്തോടെയാണ് ട്രംപ് ഇന്ത്യയിൽ നിന്നും തിരിച്ചത്. മടക്ക യാത്രയ്ക്ക് മുൻപ് രാഷ്ട്രപതി ഭവനിൽ നടന്ന വിരുന്ന് സൽക്കാരത്തിലും അദ്ദേഹം പങ്കെടുത്തു.

ട്രംപിൻറെ സന്ദർശനത്തിന്റെ ഭാഗമായി മൂന്ന് ധാരണപത്രങ്ങളിൽ ഇരുരാജ്യങ്ങളും ഒപ്പുവെച്ചു. 22,000 കോടി രൂപയുടെ പ്രതിരോധ കരാറും അമേരിക്കയുടെ 24 എംഎച്ച് റോമിയോ, 64 ഇ അപ്പാച്ചെ എന്നീ ഹെലികോപ്റ്ററുകൾ അടക്കം വാങ്ങുന്നതിനുള്ള കരാറുകളിലാണ് ഇരു രാജ്യവും ഒപ്പുവച്ചത്. ഇതിനുപുറമേ മാനസികാരോഗ്യം, മരുന്നുകളുടെ സുരക്ഷ, ഇന്ധനം എന്നീ മേഖലകളിലെ ധാരണാപത്രങ്ങളും ഒപ്പുവച്ചിരുന്നു.