നല്ല ആരോഗ്യം വേണ്ടേ ? ആയുര്‍വേദ പ്രകാരം ശരീരത്തിന് ഗുണം നല്‍കുന്ന 5 ഇലകള്‍ പരിചയപ്പെടാം …

ആരോഗ്യത്തിന് എല്ലായ്‌പ്പോഴും വളരെയധികം പ്രാധാന്യം ഉണ്ട്. ആരോഗ്യകരമായ ഭക്ഷണം കഴിക്കേണ്ടത് ആരോഗ്യം നിലനിർത്താൻ ഏറ്റവും അത്യാവശ്യമാണ്.നല്ല ആരോഗ്യം ഉണ്ടായാല്‍ മാത്രമാണ് ജീവിതത്തില്‍ നല്ലപോലെ സന്തോഷം ആസ്വദിക്കാനും നിങ്ങള്‍ക്ക് സാധിക്കുകയുള്ളൂ.

ഇന്ന് നമ്മളുടെ രാജ്യത്ത് അലോപതി, ഹോമിയോ, ആയുര്‍വേദം എന്നീ ചീകിത്സകള്‍ ലഭ്യമാണ്. ചിലര്‍ക്ക് അലോപതി ആയിരിക്കും കൂടുതല്‍ പ്രിയം. എന്നാല്‍ ചിലര്‍, ഹോമിയോ അലോപതി എന്നിവ ഉപയോഗിക്കാറും ഉണ്ട്. ആയുര്‍വേദത്തോട് ഇന്ന് പ്രിയം കൂടുന്നതിന്റെ പ്രധാന കാരണം ഇതിന് പാര്‍ശ്യഫലങ്ങള്‍ ഇല്ല എന്നത് തന്നെ.തികച്ചും പ്രകൃതിദത്തമായ രീതിയിലുള്ള ഈ ചികിത്സ നല്ല ഫലം നല്‍കുന്നതിനും അതുപോലെ, ആരോഗ്യം നിലനിര്‍ത്തുന്നതിനും സഹായിക്കുന്നുണ്ട്. ഇത്തരത്തില്‍ ആയുര്‍വേദ പ്രകാരം ശരീരത്തിന് ഗുണം നല്‍കുന്ന 5 ഇലകള്‍ പരിചയപ്പെടാം …

കൂവളം

ശിവ ക്ഷേത്രങ്ങളില്‍ പോകുന്നവര്‍ കൂവളമാല നേരാറുണ്ട്. മുന്‍ ജന്മങ്ങളിലെ പാപം തീരാന്‍ ശിവന് കൂവളമാല നല്‍കിയാല്‍ മതി എന്ന ഐതിഹ്യം പറയുന്നത്. പാപങ്ങള്‍ തീര്‍ക്കാന്‍ മാത്രമല്ല, ആരോഗ്യം സൂക്ഷിക്കാനും കൂവളം നല്ലതാണ്.
പ്രമേഹ രോഗികള്‍ കൂവളത്തിന്റെ ഇല ഉപയോഗിക്കുന്നത് അവരുടെ ആരോഗ്യം പരിപാലിക്കുവാന്‍ സഹായിക്കുന്നു. പ്രത്യേകിച്ച് രക്തത്തിലെ പഞ്ചസ്സാരയുടെ അളവ് കുറയ്ക്കാന്‍ ഇത് വളരെയധികം സഹായിക്കുന്നുണ്ട്. കൂടാതെ, നമ്മളുടെ ഇമ്മ്യൂണിറ്റി വര്‍ദ്ധിപ്പിക്കുന്നതിനും കൂവളം ബെസ്റ്റാണ്.ഇത് ഉപയോഗിക്കുന്നതിനായി ഇതിന്റെ പൊടി കഴിക്കാവുന്നതാണ്. അതുപോലെ, കൂവളത്തിന്റെ കായയും പ്രമേഹത്തിന് നല്ലതാണ്.

ആര്യവേപ്പ്

നിരവധി ആരോഗ്യ ഗുണങ്ങളുള്ള ഒരു ഇലയാണ് ആര്യവേപ്പ്. നല്ല കൈപ്പോടുകൂടിയ ഈ ആര്യവേപ്പിന് രക്തത്തെ ശുദ്ധീകരിക്കുന്നതിനും ചര്‍മ്മ പ്രശ്‌നങ്ങള്‍ പരിഹരിക്കുന്നതിനും വളരെയധികം സഹായിക്കുന്നുണ്ട്.
അതുപോലെ അസിഡിറ്റി പോലെുള്ള പ്രശ്‌നങ്ങള്‍ പരിഹരിക്കുന്നതിനും അണുബാധ വരാതിരിക്കാനും ഇത് സഹായിക്കുന്നുണ്ട്. രക്തത്തിലെ പഞ്ചസ്സാര ലെവല്‍ നിയന്ത്രിക്കുന്നതിനും ഇത് ബെസ്റ്റാണ്.
എന്നും ഒരു ആര്യവേപ്പിന്റെ ഇല എടുത്ത് ചവച്ചരച്ച് കഴിക്കുന്നത് ആരോഗ്യത്തിന് നല്ലതാണ്. ഇത് ഇട്ട് വെള്ളം തിളപ്പിച്ച് കുളിക്കുന്നത് ചര്‍മ്മ പ്രശ്‌നങ്ങളും കുറയ്ക്കും.

വെറ്റില

മുറുക്കാന്‍ തയ്യാറാക്കുമ്പോള്‍ അതിലെ പ്രധാന ചേരുവയാണ് വെറ്റില. എന്നാല്‍, ലഹരിയായി ഉപയോഗിക്കാതെ, നല്ല രീതിയില്‍ ഉപയോഗിച്ചാല്‍ വളരെ നല്ല ഗുണങ്ങളുള്ള ഒരു ഇല കൂടിയാണ് വെറ്റില.
വെറ്റില മുതിര്‍ന്നവര്‍ മുതല്‍ കുട്ടികള്‍ക്ക് വരെ കഴിക്കാന്‍ സാധിക്കുന്ന ഒരു ഔഷധമാണ്. കാല്‍സ്യം കൂട്ടുന്നതിനും എല്ലുകളുടെ ബലക്കുറവ് പരിഹരിക്കുന്നതിനും ഇത് സഹായിക്കുന്നുണ്ട്.നല്ല ദഹനം നടക്കുന്നതിന് വെറ്റില നല്ലതാണ്. അതുപോലെ, വായ്‌നാറ്റം കതുറയ്ക്കാനും വെറ്റില കഴിക്കുന്നത് നല്ലതാണ്.
ആഹാരം കഴിച്ചതിന് ശേഷം വെറ്റിലയില്‍ കുങ്കുമപ്പൂവ്, അതുപോലെ, മഞ്ഞള്‍, കറുവാപ്പട്ട എന്നിവ ചേര്‍ത്ത് കഴിക്കുന്നത് നല്ലതാണ്.

തുളസി

ഒട്ടുമിക്ക വീട്ടുമുറ്റത്തും നട്ടുവളര്‍ത്തുന്ന ഒരു ഔഷധ സസ്യമാണ് തുളസി. പ്രത്യേകിച്ച് വീട്ടില്‍ കുട്ടികള്‍ ഉണ്ടെങ്കില്‍ തുളസി അവിടെ ഒരു സ്ഥിര സാന്നിധ്യമായിരിക്കും.
ചുമയും കഫക്കെട്ടും. പനിയും കുറയ്ക്കുന്നതിന് തുളസിയേക്കാള്‍ നല്ലൊരു മരുന്നില്ല. കൂടാതെ, അണുബാധ ഇല്ലാതിരിക്കാനും ഇത് വളരെയധികം സഹായിക്കുന്നു. നമ്മളുടെ രോഗപ്രതിരോധശേഷി പോലും ഇത് വര്‍ദ്ധിപ്പിക്കുന്നു.എന്നും ഒരു തുളസി ഇല എടുത്ത് ചവച്ചരച്ച് കഴിക്കുന്നത് നല്ലതാണ്. അതുപോലെ, തുളസി ഇല ഇട്ട് തിളപ്പിച്ച് കുടിക്കുന്നതും നല്ലതാണ്. തുളസി നീര് കുടിക്കുന്നതും ആരോഗ്യത്തിന് നല്ലതു തന്നെ.

കറിവേപ്പില

ആരോഗ്യം നിലനിര്‍ത്തുന്നതിനും മുടിയുടെആരോഗ്യത്തിനും കറിവേപ്പില ഉപയോഗിക്കുന്നത് നല്ലതാണ്. രക്തസമ്മര്‍ദ്ദം കുറയ്ക്കുന്നതിന് കറിവേപ്പില സഹായിക്കുന്നുണ്ട്.
കറിവേപ്പിലയ്ക്ക് കാന്‍സറിനെ പ്രതിരോധിക്കാനുള്ള ശേഷിപോലും ഉണ്ടെന്ന് ചില പഠനങ്ങള്‍ പറയുന്നു.
കറിവേപ്പില ആഹാരത്തില്‍ ചേര്‍ക്കുന്നതും അല്ലെങ്കില്‍ കറിവേപ്പില ചവച്ചരച്ച് കഴിക്കുന്നതും ആരോഗ്യത്തിന് നല്ലതാണ്.