ഇവിടെ ഇത്‌ അനുവദിക്കില്ല; ഇവിടെ വരുമ്പോൾ മാന്യമായ വസ്ത്രം ധരിക്കണം; പോലീസിനെതിരെ പരാതിയുമായി യുവതി; വീഡിയോ കാണാം

പുതുച്ചേരി: വസ്ത്രധാരണം മോശമാണെന്ന് പറഞ്ഞ് യുവതിയെ അപമാനിച്ചതായി പരാതി. ഹൈദരബാദില്‍ (Hyderabad) ജോലി ചെയ്യുന്ന ഐടി ജീവനക്കാരിയായ പ്രണിത എന്ന യുവതിയാണ് പരാതി നൽകിയത്. ടെക്കികള്‍ പുതുച്ചേരിയില്‍ വിനോദയാത്രയ്ക്ക് എത്തിയപ്പോഴാണ് സംഭവം.

പുതുച്ചേരിയിലെ വിനോദകേന്ദ്രമായ കടല്‍തീരത്ത് വച്ച്‌ ഫോട്ടോ എടുക്കുന്നതിനിടെയാണ് പൊലീസുകാര്‍ സംസ്‌കാരത്തിന് യോജിച്ച വസ്ത്രമല്ല ധരിച്ചതെന്ന് പറഞ്ഞ് വിചാരണ ചെയ്തത്. അതിന് പിന്നാലെ വസ്ത്രം ധരിക്കുന്നതിന്റെ ഉദ്ദേശ്യം എന്താണെന്ന് ഇവര്‍ യുവതിയെ പറഞ്ഞ് മനസിലാക്കിച്ചതായും യുവതി പറയുന്നു.പ്രണിത എന്ന യുവതിയാണ് പൊലീസില്‍ പരാതി നല്‍കിയത്. ശനിയാഴ്ച തന്നെയും സുഹൃത്തുക്കളെയും പൊലീസ് മര്‍ദ്ദിച്ചതായി പരാതിയില്‍ പറയുന്നു.

വിദേശികള്‍ ഉള്‍പ്പടെ ധാരാളം വരുന്ന വിനോദസഞ്ചാര കേന്ദ്രമാണ് പുതുച്ചേരി. വസ്ത്രധാരണത്തിന്റെ പേരില്‍ നിങ്ങള്‍ വിദേശികളെ തടഞ്ഞോ?. എന്ന് ചോദിച്ചപ്പോള്‍ പൊലീസുകാര്‍ മറുപടി നല്‍കിയില്ലെന്നും യുവതി പറയുന്നു.