കണ്ണൂരിൽ ഗവർണർ ആരിഫ് മുഹമ്മദ് ഖാന് നേരെ എസ്എഫ്ഐ, ഡിവൈഎഫ്ഐ പ്രവർത്തകരുടെ കരിങ്കൊടി പ്രതിഷേധം മട്ടന്നൂർ, ഇരിട്ടി, പേരാവൂർ എന്നിവടങ്ങളിലാണ് കരിങ്കൊടി കാണിച്ചത്. ഇവരിൽ ചിലരെ പൊലീസ് കസ്റ്റഡിയിലെടുത്തെങ്കിലും പോലീസ് മർദിച്ചെന്ന് ആരോപിച്ച് പോലീസ് ജീപ്പ് തടഞ്ഞ ഡിവൈഎഫ്ഐ പ്രവർത്തകർ ഇവരെ ബലമായി മോചിപ്പിച്ചു.
ഇന്ന് രാത്രി മാനന്തവാടിയിലെത്തുന്ന ഗവർണർ, നാളെ രാവിലെ കാട്ടാനയുടെ ആക്രമണത്തില്‍ മരിച്ച പടമല അജീഷിന്റെയും പാക്കത്ത് പോളിന്റെയും, പരിക്കേറ്റ ശരത്തിന്റെയും വീടുകള്‍ സന്ദര്‍ശിക്കും. ശേഷം കടുവയുടെ ആക്രമണത്തില്‍ കൊല്ലപ്പെട്ട വാകേരി പ്രജീഷിന്റെ വീടും സന്ദര്‍ശിക്കും. തുടര്‍ന്ന് മാനന്തവാടി ബിഷപ്‌സ് ഹൗസില്‍ മതമേലധ്യക്ഷന്‍മാരുമായി കൂടിക്കാഴ്ച നടത്തും.
