എരുമപ്പെട്ടി: പോലീസിനെ വെട്ടിച്ച്‌ കടന്ന ബൈക്ക് മോഷ്ടാവ് പിടിയില്‍. ബൈക്ക് മോഷ്ടാവിനെ പോലീസ് പിന്തുടര്‍ന്ന് പിടികൂടുകയായിരുന്നു. തമിഴ്നാട് കല്ലകുറുച്ചിമാവട്ടം മഹാവിഷ്ണുവാണ് പിടിയിലായത്. എരുമപ്പെട്ടി പോലീസാണ് പ്രതിയെ പിടികൂടിയത്.
നൈറ്റ് ഡ്യൂട്ടിയിലുണ്ടായിരുന്ന എസ്.ഐ ഗീതുമോള്‍ വെള്ളിയാഴ്ച പുലര്‍ച്ചെ പട്രോളിങ് നടത്തുന്നതിനിടയിലാണ് നമ്പർ പ്ലേറ്റില്ലാത്ത പള്‍സര്‍ ബൈക്കില്‍ യുവാവ് മെഡിക്കല്‍ കോളജ് പരിസരത്ത് കറങ്ങുന്നത് ശ്രദ്ധയില്‍പെട്ടത്.
തുടർന്ന് ഇയാളെ തടഞ്ഞ് നിര്‍ത്താന്‍ ശ്രമിച്ചെങ്കിലും എരുമപ്പെട്ടി ഭാഗത്തേക്ക് കടന്നുകളയുകയായിരുന്നു. ഉടൻ തന്നെ എരുമപ്പെട്ടി പോലീസിനെ വിവരമറിയിക്കുകയും കരിയന്നൂരില്‍ വച്ച് പോലീസുകാര്‍ ബൈക്ക് തടഞ്ഞ് പിടികൂടുകയുമായിരുന്നു.
