തിരുവനന്തപുരം: വ്യക്തികളുടെ ലൈംഗികദൃശ്യങ്ങള് ഓണ്ലൈനില് ചിത്രീകരിച്ച് മറ്റുള്ളവര്ക്ക് അയച്ചുകൊടുക്കുമെന്ന് ഭീഷണിപ്പെടുത്തിയോ അല്ലാതെയോ പണം ആവശ്യപ്പെട്ട് ബ്ലാക് മെയിലിങ് ഉള്പ്പെടെയുള്ള സംഭവങ്ങള് 9497980900 എന്ന വാട്സാപ്പ് നമ്പറിലൂടെ അറിയിക്കണമെന്ന് പോലീസ് അധികൃതർ അറിയിച്ചു.
ബ്ലാക്ക് മെയിലിങ്, മോര്ഫിങ് തുടങ്ങിയവയ്ക്ക് പുറമെ ഓണ്ലൈന് സാമ്പത്തിക തട്ടിപ്പുകളും ഈ വാട്ട്സാപ്പ് നമ്പറിലൂടെ പോലീസിന്റെ ശ്രദ്ധയിൽപ്പെടുത്താവുന്നതാണ്. ടെക്സ്റ്റ് മെസ്സേജ്,ഫോട്ടോ, വീഡിയോ, ശബ്ദസന്ദേശം എന്നീ മാര്ഗങ്ങളിലൂടെ പരാതി നല്കാം. ഈ സംവിധാനം 24 മണിക്കൂറും പ്രവര്ത്തിക്കുമെങ്കിലും ഈ നമ്പറിൽ നേരിട്ട് വിളിക്കാനാകില്ലെന്ന് അധികൃതർ അറിയിച്ചു. ആവശ്യമുള്ളപക്ഷം പരാതിക്കാരെ തിരികെവിളിച്ച് ഉദ്യോഗസ്ഥർ വിവരങ്ങള് ശേഖരിക്കുന്നതാണ്. പോലീസ് ആസ്ഥാനത്താണ് സംവിധാനം പ്രവര്ത്തിക്കുന്നത്.
