ബെംഗളൂരു: ഫ്ലിപ്കാര്ട്ടില് നിന്ന് ആപ്പിള് ഐഫോണ് 11 പ്രോയ്ക്ക് ഓര്ഡര് നല്കിയ ബെംഗളൂരു സ്വദേശിക്ക് ലഭിച്ചത് വ്യാജ ഫോണ്. ആപ്പിള് ഐഫോണിന്റെ സ്റ്റിക്കര് ഒട്ടിച്ച ഫോണ് സംശയം തോന്നി നടത്തിയ പരിശോധനയിലാണ് വ്യാജനാണെന്നു തെളിഞ്ഞത്. ഡിസ്ക്കൗണ്ട് കഴിഞ്ഞ് 93,900 രൂപയുടെ മുഴുവന് പേയ്മെന്റും അടച്ച് കാത്തിരുന്നപ്പോഴാണ് ഇത്തരത്തിലൊരു തട്ടിപ്പ്.
ബെംഗളൂരുവിലുള്ള രജനി കാന്ത് കുശ്വ എന്ന എഞ്ചിനീയര്ക്കാണ് ഓണ്ലൈനില് വ്യാജ ഫോണ് ലഭിച്ചത്. ഐഫോണ് 11 പ്രോയുടെ 64 ജിബി വേരിയന്റിനാണ് കുശ്വ ഓര്ഡര് നല്കിയത്. ഡിസ്ക്കൗണ്ട് കഴിഞ്ഞ് 93,900 രൂപയുടെ മുഴുവന് പേയ്മെന്റും അദ്ദേഹം അടച്ചിരുന്നു.
ഒറ്റനോട്ടത്തില് ഓര്ഡര് ചെയ്ത ഐഫോണ് 11 പ്രോ പോലെ തോന്നുമെങ്കിലും ലഭിച്ച വ്യാജന് ശരിയായ നിലയില് പ്രവര്ത്തിക്കുന്നില്ലെന്നു മാത്രവുമല്ല ഇതിലെ ആപ്ലിക്കേഷനുകള് പലതും ആന്ഡ്രോയിഡുമാണ്. ഫോണിന്റെ പിന്ഭാഗത്ത് ഐഫോണ് 11 പ്രോ ട്രിപ്പിള് ക്യാമറ സജ്ജീകരണത്തിന്റെ സ്റ്റിക്കര് ഉപയോഗിച്ചാണ് തട്ടിപ്പ് നടത്തിയത്. ഫോണിന്റെ ക്യാമറ ലെന്സുകളും മുഴുവന് പിന് ക്യാമറ മൊഡ്യൂളും സില്വര് ലൈനിംഗും ഹൈലൈറ്റും ചെയ്താണ് വ്യാജനെ സൃഷ്ടിച്ചിരിക്കുന്നത്.
തട്ടിപ്പ് മനസ്സിലായ ഉടനെ ഫ്ലിപ്കാര്ട്ടില് കുശ്വ പരാതി അറിയിച്ചിരുന്നു. ഫോണ് ഉടന് മാറ്റി നൽകുമെന്ന് കമ്പനി ഉറപ്പ് നല്കിയിട്ടുണ്ട്.
നാലാമത് അഖില ഭാരത പാണ്ഡവീയ മഹാവിഷ്ണു സത്രത്തിന് ഇന്ന് തുടക്കം ! THIRUVANVANDOOR
തിരുവൻവണ്ടൂർ: നാലാമത് അഖില ഭാരത പാണ്ഡവീയ മഹാവിഷ്ണു സത്രത്തിന് ഇന്ന് തുടക്കം. സമ്പൂർണ്ണ ഭഗവത്ഗീതാ പാരായണത്തോടെ സത്രവേദി ഉണർന്നു. വൈകുന്നേരം…
തിരുവനന്തപുരം: കരമന അഖിലിന്റെ കൊലപാതകവുമായി ബന്ധപ്പെട്ട് പ്രതിയെന്ന് സംശയിക്കുന്ന യുവാവിനെ പൊലീസ് കസ്റ്റഡിയിലെടുത്തു. വെള്ളിയാഴ്ച വൈകിട്ട് അഞ്ച് മണിക്കാണ് കാറിലെത്തിയ…
ദില്ലി : നാലാം ഘട്ട തെരഞ്ഞെടുപ്പിന്റെ പരസ്യ പ്രചരണം ഇന്ന് അവസാനിക്കും.ഒമ്പത് സംസ്ഥാനങ്ങളും ഒരു കേന്ദ്ര ഭരണ പ്രദേശമായ ജമ്മുകശ്മീരിലെ…