മാഡ്രിഡ് : ഫ്രഞ്ച് ക്ലബ്ബായ പിഎസ്ജിയുമായുള്ള കരാർ അവസാനിച്ചതോടെ വീണ്ടും ട്രാന്‍സ്ഫര്‍ അഭ്യൂഹങ്ങളിൽ സജീവമായ അര്‍ജന്റീന സൂപ്പര്‍ താരം ലയണല്‍ മെസ്സി തന്റെ പഴയ ക്ലബ്ബായ ബാഴ്സലോണയിലേക്ക് മടങ്ങാന്‍ ആഗ്രഹിക്കുന്നുവെന്ന് അദ്ദേഹത്തിന്റെ ഏജന്റും പിതാവുമായ യോര്‍ഗെ മെസ്സി വ്യക്തമാക്കി. ബാഴ്‌സലോണ പ്രസിഡന്റ് യൊവാന്‍ ലപോര്‍ട്ടയുമായി നടത്തിയ ചര്‍ച്ചയ്ക്ക് ശേഷം മാദ്ധ്യമങ്ങളോട്പ്രതികരിക്കുകയായിരുന്നു യോര്‍ഗെ മെസ്സി
”ലിയോയ്ക്ക് ബാഴ്സലോണയിലേക്ക് മടങ്ങാന്‍ കഴിയുമെന്ന് ഞങ്ങള്‍ക്ക് ഉറപ്പുണ്ട്. ലിയോ ബാഴ്സയിലേക്ക് മടങ്ങാന്‍ ആഗ്രഹിക്കുന്നു, അവന്‍ മടങ്ങിവരണമെന്ന് ഞാനും ആഗ്രഹിക്കുന്നു.” – യോര്‍ഗെ മെസ്സി വ്യക്തമാക്കി.
അതെസമയം സാമ്പത്തിക ബുദ്ധിമുട്ടുകൾ അനുഭവിക്കുന്ന ക്ലബ്ബിന്റെ സാമ്പത്തിക കാര്യങ്ങളില്‍ ലാ ലിഗ അനുകൂല നിലപാടെടുത്താൽ മാത്രമേ മെസ്സിയുടെ ബാഴ്‌സയിലേക്കുള്ള മടങ്ങി വരവ് സാധ്യമാകൂ. മെസ്സിയുടെ ഉയർന്ന പ്രതിഫലവും ബാഴ്‌സയ്ക്ക് തലവേദനയാകും. അതെ സമയം വൻ തുകയ്ക്ക് മെസ്സിയെ ടീമിലെത്തിക്കാൻ സൗദി പ്രൊ ലീഗ് ക്ലബ്ബായ അൽ ഹിലാൽ തയ്യാറാണ്. നിലവിൽ സൗദി അറേബ്യ ടൂറിസത്തിന്റെ അംബാസിഡർ കൂടിയാണ് മെസ്സി.
