ലോകം ഉപയോഗിക്കുന്ന വാക്‌സിനുകളുടെ 60 ശതമാനവും ഉൽപ്പാദിപ്പിക്കുന്നത് ഇന്ത്യ; വാക്‌സിൻ വിതരണത്തിൽ ഇന്ത്യ നിഷേധിക്കാനാകാത്ത ശക്തിയെന്ന് ധനമന്ത്രി നിർമല സീതാരാമൻ; വാക്‌സിനുകളുടെ പരിണാമത്തിന്റെ നൂറ്റാണ്ടുകൾ നീണ്ട യാത്ര പ്രതിപാദിക്കുന്ന പുസ്തകം പുറത്തിറക്കി നിർമല സീതാരാമൻ

ലോകത്ത് ഉപയോഗിക്കുന്ന വാക്‌സിനുകളുടെ 60 ശതമാനവും ഇന്ത്യയിൽ ഉൽപ്പാദിപ്പിക്കുന്നതാണെന്നും ഈ മേഖലയിൽ രാജ്യത്തെ നിഷേധിക്കാനാകാത്ത ശക്തിയാക്കി മാറ്റുന്നുവെന്നും ധനമന്ത്രി നിർമ്മല സീതാരാമൻ ബുധനാഴ്ച പറഞ്ഞു. അഡീഷണൽ എക്‌സ്‌പെൻഡിച്ചർ സെക്രട്ടറി സജ്ജൻ സിംഗ് യാദവ് രചിച്ച ‘ഇന്ത്യയുടെ വാക്‌സിൻ വളർച്ചയുടെ കഥ – കൗപോക്സ് മുതൽ വാക്‌സിൻ മൈത്രി വരെ’ എന്ന പുസ്തകം അന്താരാഷ്ട്ര തലത്തിൽ പുറത്തിറക്കി. വാക്‌സിനുകളുടെ പരിണാമത്തിന്റെ നൂറ്റാണ്ടുകൾ നീണ്ട യാത്രയാണ് പുസ്തകം ഉൾക്കൊള്ളുന്നതെന്ന്.

കോവിഡിനെതിരെ ഇന്ത്യ ഓരോ പൗരനും ഇരട്ടി ഡോസ് നൽകുകയാണെന്നും മന്ത്രി പറഞ്ഞു. രാജ്യവ്യാപകമായി ഇന്ത്യ ഇതുവരെ 2.08 ബില്യൺ കൊവിഡ് വാക്സിനുകൾ നൽകിയിട്ടുണ്ട്. അതേസമയം, ലോകം കൊറോണ വ്യാപനത്തിന്റെ പിടിയിലമർന്നപ്പോൾ ശ്രദ്ധാപൂർവ്വമുള്ള പ്രതിരോധ നടപടികളിലൂടെയും പക്വമായ വാക്സിൻ നയത്തിലൂടെയും ലോകമെമ്പാടുമുള്ള ലക്ഷക്കണക്കിന് പേരുടെ ജീവൻ രക്ഷിക്കാൻ ഇന്ത്യക്ക് സാധിച്ചു എന്ന് അമേരിക്കൻ സംഘാംഗം പെട്രീഷ്യ ലാസിന പറഞ്ഞു.