ഇന്ത്യയില്‍ ആദ്യ കൊറോണ മരണം; മരിച്ചത് സൗദിയിൽ നിന്നെത്തിയ കർണാടക സ്വദേശി

ബംഗളൂരു: കൊറോണ വൈറസ് ബാധിച്ചുള്ള ഇന്ത്യയിലെ ആദ്യ കർണാടകയിൽ . തീർഥാടന വീസയിൽ സൗദി സന്ദർശിച്ചുമടങ്ങിയ കൽബുർഗി സ്വദേശി മുഹമ്മദ് ഹുസൈൻ സിദ്ധിഖി (76) മരിച്ചത് കൊറോണ ബാധിച്ചെന്ന് സ്ഥിരീകരിച്ചു. കഴിഞ്ഞ ചൊവ്വാഴ്ചയാണ് സിദ്ദിഖി മരിച്ചത്.

ഉംറ തീർഥാടനത്തിനു ശേഷം സൗദിയിൽ നിന്ന് ഫെബ്രുവരി 29നു ഹൈദരാബാദ് വഴിയാണ് സിദ്ദിഖി മടങ്ങിയെത്തിയത്. അന്ന് അദ്ദേഹത്തെ വിമാനത്താവളത്തിൽ പരിശോധനയ്ക്ക് വിധേയനാക്കിയിരുന്നെങ്കിലും കൊറോണ ലക്ഷണങ്ങളൊന്നും കണ്ടെത്തിയിരുന്നില്ല. പിന്നീട് മാർച്ച് അഞ്ചിന് കലബുറഗിയിലെ സ്വകാര്യ ആശുപത്രിയിൽ ചികിത്സതേടി. അവിടെവച്ചാണ് കൊറോണ സ്ഥിരീകരിക്കുന്നതിനുള്ള പരിശോധന നടത്തിയത്. മൂന്നു ദിവസത്തിന് ശേഷം ഹൈദരാബാദിലും ഇദ്ദേഹം ചികിത്സ തേടിയിരുന്നു. ആശുപത്രി വിട്ടശേഷമാണ് അദ്ദേഹം മരിച്ചത്.

ഇദ്ദേഹത്തിന്റെ കുടുംബാംഗങ്ങളുൾപ്പെടെ 30 പേർ നേരത്തേ തന്നെ നിരീക്ഷണത്തിലാണ്. സിദ്ദിഖിയുമായി സമ്പർക്കത്തിൽ ഉണ്ടായിരുന്നമറ്റുള്ളവരെ കണ്ടെത്തുന്നതിനും ഐസോലേറ്റ് ചെയ്യുന്നതിനുമുള്ള നടപടികൾ ആരംഭിച്ചതായി കർണാടക ആരോഗ്യവിഭാഗം കമ്മീഷണർ അറിയിച്ചു