‘8 എ യിലെ സുഹൃത്തിന് കളർ പെനിസിലുകൾ നൽകണം, ഞാൻ പോകുന്നു’; കത്തെഴുതിവെച്ച് വീട് വിട്ടിറങ്ങി 13കാരന്‍; അനേഷണം ആരംഭിച്ച് പോലീസ്

കാട്ടാക്കട: കത്തെഴുതിവെച്ച ശേഷം വീട് വിട്ടിറങ്ങിയ 13 കാരനെ കാണാതായി. കാട്ടാക്കട ആനകോട് അനിശ്രീയിൽ (കൊട്ടാരം വീട്ടിൽ) അനിൽകുമാറിന്റെ മകൻ ഗോവിന്ദിനെയാണ്‌ കാണാതായത്. 8 എ യിലെ സുഹൃത്തിന് കളർ പെനിസിലുകൾ നൽകണമെന്നും ഞാൻ പോകുന്നു എന്നുമാണ് കുട്ടി കത്തിൽ എഴുതിയിരിക്കുന്നത്. സംഭവത്തിൽ കാട്ടാക്കട പോലീസ് അന്വേഷണം ആരംഭിച്ചിട്ടുണ്ട്.

വെള്ളിയാഴ്ച പുലർച്ചെയാണ് കുട്ടിയെ കാണാതായത്. പട്ടകുളം പ്രദേശത്തെ സിസിടിവിയിൽ കുട്ടി കുടയും ചൂടി നടന്നു പോകുന്ന ദൃശ്യങ്ങൾ ലഭിച്ചിട്ടുണ്ട്. പാൻറ്‌സും ഷർട്ടും ആണ് വേഷം. പുലർച്ചെ 5 30 നുള്ള സിസിടിവി ദൃശ്യങ്ങളിലാണ് കുട്ടിയുടെ ചിത്രം ലഭിച്ചിരിക്കുന്നത്. കള്ളിക്കാട് ചിന്തലയ സ്കൂളിൽ എട്ടാം ക്ലാസിൽ ആണ് കുട്ടി പഠിക്കുന്നത്. കുട്ടിയ്ക്കായി തിരച്ചില്‍ ഊര്‍ജ്ജിതമാക്കിയതായി കാട്ടാക്കട പോലീസ് അറിയിച്ചു.